Eksodus 24:8 - An Bibel Kernewek 20234 (Kernewek Kemmyn)

⁸ Ha Moyses a gemmeras an goes ha'y skoellya war an bobel, ow leverel, ‘Otta goes an kevambos gwrys genowgh gans an Arloedh herwydh oll an geryow ma.’

Eksodus 24:8 Iomraidhean Croise

1 Myghternedh 8:21

My re brovias tyller rag an argh, hag ynni kevambos an Arloedh a wrug gans agan tasow pan y's dros yn-mes a bow Ejyp.’

1 Myghternedh 8:9

Nyns esa travyth y'n argh marnas an dhew legh a veyn re worras Moyses ena yn Horeb, le may hwrug an Arloedh kevambos gans fleghes Ysrael, pan dheuthons yn-mes a bow Ejyp.

Salmow 78:36

Byttegyns i a'n feklas gans aga ganow, hag a wowleveris dhodho gans aga thaves

Eksodus 24:6

Ha Moyses a gemmeras hanter an goes ha'y worra yn basonyow, ha hanter an goes ev a'n skoellyas war an alter.

Ysay 52:15

yndella marth a's tevydh lies kenedhel; myghternedh a dhege aga ganow a'y wovis, rag an pyth na via leverys dhedha, henna i a wel, ha'n pyth na glewsons, henna i a breder.

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Levitikus 8:30

Ha Moyses a gemmeras rann a oyl an untyans hag a'n goes esa war an alter ha'y skoellya war Aron ha war y dhillas, ha war y vebyon ha war dhillas y vebyon ganso; hag ev a sanshas Aron, ha'y dhillas, ha'y vebyon, ha dillas y vebyon ganso.

Haggay 2:5

Hemma a gevambosis genowgh pan dheuthewgh yn-mes a Ejyp; ow spyrys a bes yntredhowgh, na berthewgh own.

Zekaria 9:11

Ha ty, drefenn goes dha gevambos, my a wra delivra dha brisnoryon mes a bytt heb dowr.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Mark 14:24

Hag ev a leveris dhedha, ‘Hemm yw ow goes a'n kevambos nowydh yw skoellys rag lies.

Luk 22:20

Hag yn keth vaner an hanaf wosa i dhe dhybri, ow leverel, ‘An hanaf ma yw an kevambos nowydh y'm goes vy, yw skoellys a-barth dhywgh.

1 Korinthianys 11:25

Keffrys y'n keth vaner an hanaf, wosa soper, ow leverel, ‘An hanaf ma yw an kevambos nowydh y'm goes vy; gwrewgh hemma, peskweyth ma'n yffowgh, yn kovadh ahanav vy.’

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Dewteronomi 5:2

An Arloedh agan Duw a wrug genen kevambos orth Horeb.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Yoshua 24:25

Ytho Yoshua a wrug kevambos gans an bobel y'n jydh na, ha settya ordenans ha lagha ragdha yn Shekem.

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.