Eksodus 24:6 - An Bibel Kernewek 20234 (Kernewek Kemmyn)

⁶ Ha Moyses a gemmeras hanter an goes ha'y worra yn basonyow, ha hanter an goes ev a'n skoellyas war an alter.

Eksodus 24:6 Iomraidhean Croise

2 Myghternedh 17:15

I a asas y laghys, ha'y gevambos a wrug ev gans aga thasow, ha'n gwarnyansow a ros ev dhedha. I a siwyas idolys koeg hag eth ha bos koeg aga honan; i a siwyas an kenedhlow esa a-dro dhedha, hag a-dro dhedha an Arloedh re worhemmynnsa na dalvia dhedha gul yndella.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Eksodus 12:22

Kemmerewgh tyskenn hyssop ha'y troghya y'n goes usi y'n skudell, ha tochya penn an daras ha'n dhew bost-daras gans neppyth a'n goes usi y'n skudell; ha ny wra nagonan ahanowgh mos yn-mes a dharas y ji bys y'n myttin.

Eksodus 12:7

Ena i a wra kemmeres rann a'n goes ha'y worra war an dhew bost-daras ha war benn an daras a'n chiow le ma's debrons.

Eksodus 24:8

Ha Moyses a gemmeras an goes ha'y skoellya war an bobel, ow leverel, ‘Otta goes an kevambos gwrys genowgh gans an Arloedh herwydh oll an geryow ma.’

Eksodus 29:16

ha ty a ladh an hordh ha kemmeres y woes ha'y skoellya war an alter a-derdro.

Eksodus 29:20

ha ty a ladh an hordh, ha kemmeres rann a'y woes ha'y worra war vin skovarn dhyghow Aron ha war vin skovornow dyghow y vebyon, ha war veus aga dorn dhyghow, ha war vys bras aga throes dyghow, ha skoellya goes war an alter a-derdro.

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Levitikus 1:11

Hag ev a'n ladh orth tenewen kledh an alter dherag an Arloedh; ha mebyon Aron, an oferysi, a skoell y woes a-dro war an alter.

Levitikus 1:5

Ena ev a ladh an lodhen dherag an Arloedh, ha mebyon Aron, an oferysi, a dhre an goes ha skoellya an goes a-dro war an alter usi ryb daras tylda an kuntelles.

Levitikus 3:2

Hag ev a worr y leuv war benn y offrynn ha'y ladha orth daras tylda an kuntelles, ha mebyon Aron, an oferysi, a wra skoellya an goes war an alter a-derdro.

Levitikus 3:8

hag ev a worr y leuv war benn y offrynn ha'y ladha dherag daras tylda an kuntelles, ha mebyon Aron a wra skoellya y woes war an alter a-derdro.

Levitikus 4:6

Ha'n oferyas a drogh y vys y'n goes ha skoellya rann a'n goes seythgweyth dherag an Arloedh, a-rag vayl an sentri.

1 Korinthianys 11:25

Keffrys y'n keth vaner an hanaf, wosa soper, ow leverel, ‘An hanaf ma yw an kevambos nowydh y'm goes vy; gwrewgh hemma, peskweyth ma'n yffowgh, yn kovadh ahanav vy.’

Kolossianys 1:20

ha dredho dhe unnverhe pup-tra dhodho, po taklow war an nor po taklow y'n nevow, ow kul kres dre woes y grows.

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.

Ebrowyon 9:18

Yndella, hwath ny veu an kynsa kevambos gwrys heb goes.

Ebrowyon 9:19

Rag pan veu leverys gans Moyses pub gorhemmynn a'n lagha dhe'n bobel oll, ev a gemmeras goes leughi ha gever, gans dowr ha gwlan kogh ha hyssop, ha skoellya goes ha war an lyver y honan ha war an bobel oll,

Ebrowyon 9:21

Ha war an tabernakel ha'n lestri oll devnydhys yn gordhyans ev a skoellyas goes keffrys.

1 Peder 1:19

mes gans goes drudh Krist kepar hag oen heb defowt ha heb namm.

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.