Eksodus 24:4 - An Bibel Kernewek 20234 (Kernewek Kemmyn)

⁴ Ha Moyses a skrifas geryow oll a'n Arloedh. Hag ev a sevis myttin a-varr, ha drehevel alter dhe droes an menydh, ha drehevel dewdhek peulven, herwydh dewdhek loeth Ysrael.

Eksodus 24:4 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 28:18

Ha Yakob a sevis myttin a-varr ha kemmeres an men re wrussa y worra yn-dann y benn, hag ev a'n settyas avel peulven ha dinewi oyl war an penn anodho.

Jenesis 28:22

ha'n men ma a wrugavy y settya yn-bann avel peulven a vydh chi Duw; hag a bup-tra a redh dhymm, my a re dhis an dega.’

Jenesis 31:45

Ytho Yakob a gemmeras men ha'y dhrehevel avel peulven.

1 Myghternedh 11:30

Ena Ahiya a dhalghennas an vantell nowydh esa warnodho ha'y skwardya yn dewdhek darn,

1 Myghternedh 18:31

Elias a gemmeras dewdhek men, herwydh niver loethow mebyon Yakob, may teuth dhedha ger an Arloedh, ow leverel, ‘Ysrael a vydh dha hanow’.

Ezra 6:17

Rag sakrans an chi ma a Dhuw i a offrynnas kans lodhen, dew kans hordh, peswar kans oen; ha rag offrynn pegh rag oll Ysrael dewdhek bogh, herwydh niver loethow Ysrael.

Nehemia 10:1

An re neb a worras aga sel a veu Nehemia an governour, mab Hakalia, ha Sedekia;

Eksodus 17:14

Ha'n Arloedh a leveris dhe Moyses, ‘Skrif hemma yn lyver avel kovadh, ha'y dhasleverel yn diwskovarn Yoshua may tileav yn tien kov Amalek a-dhann nev.’

Eksodus 17:15

Ha Moyses a dhrehevis alter ha'y henwel ‘An Arloedh yw ow baner’,

Eksodus 21:1

Lemmyn an re ma yw an ordenansow a wredh settya a-ragdha.

Eksodus 24:7

Ena ev a gemmeras lyver an kevambos, ha'y lenna yn dewlagas an bobel; hag i a leveris, ‘Oll re gewsis an Arloedh, ni a'n gwra, ha ni a vydh gostydh.’

Eksodus 28:21

Y fydh dewdhek men ha'ga henwyn herwydh henwyn mebyon Ysrael; i a vydh avel gravyans sel, peub war-lergh y hanow, rag an dewdhek loeth.

Eksodus 34:27

Ha'n Arloedh a leveris dhe Moyses, Skrif an geryow ma; herwydh an geryow ma my re wrug kevambos genes ha gans Ysrael.

Ysay 19:19

Y'n jydh na y fydh alter dhe'n Arloedh yn kres pow Ejyp, ha peulven dhe'n Arloedh orth hy or.

Levitikus 24:5

Ha ty a gemmer bleus fin ha pobas dewdhek tesenn rond ganso. Diw dhegves rann a efa a vydh yn unn desenn.

Niverow 17:2

Kows orth mebyon Ysrael, ha kavoes anedha gwelynni, onan rag chi pub tas, a'ga hembrenkysi oll war-lergh chiow aga thasow, dewdhek gwelenn. Skrif hanow pub gour war y welenn,

Luk 22:30

may typprowgh hag eva orth ow moes y'm gwlaskor, hag esedha war dronyow, ow preusi dewdhek loeth Ysrael.’

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Dewteronomi 31:9

Ytho Moyses a skrifas an lagha ma, ha'y ri dhe'n oferysi leviek, degoryon argh kevambos an Arloedh, ha dhe oll henavogyon Ysrael.

Yoshua 4:20

hag ena Yoshua a settyas yn-bann an dewdhek men na a gemmersens yn-mes a'n Yordan.

Yoshua 4:5

Yn-medh Yoshua dhedha, ‘Tremenewgh a-rag argh an Arloedh agas Duw dhe gres an Yordan, ha kemmerewgh pub gour ahanowgh unn ven war y skoedh, war-lergh niver loethow an Ysraelysi,

Diskwedhyans 21:14

Ha fos an sita a's tevo dewdhek sel, hag ynna henwyn dewdhek abostol an Oen.