Eksodus 24:17 - An Bibel Kernewek 20234 (Kernewek Kemmyn)

¹⁷ Ytho omdhiskwedhyans splannder Duw o avel tan ow tewi war benn an menydh a-wel mebyon Ysrael.

Eksodus 24:17 Iomraidhean Croise

2 Samuel 22:13

Dhiworth an golewder a-ragdho kolennow tan a dardhas yn flammow.

2 Samuel 22:9

Mog a yskynnas mes a'y dhewfrik, ha tan a'y anow, ow tevorya; kolennow a dardhas yn flammow a-dhiworto.

Eksodus 19:11

ha bydh parys erbynn an tressa dydh; rag y'n tressa dydh an Arloedh a wra diyskynna war venydh Sinay a-wel an bobel oll.

Eksodus 19:18

Ha menydh Sinay a veu maylys yn mog, drefenn an Arloedh dhe dhiyskynna warnodho yn tan; ha'n mog anodho a yskynnas avel mog an fornes, ha'n menydh oll a grenas yn feur.

Eksodus 3:2

Hag el an Arloedh a omdhiskwedhas dhodho yn flamm a dan yn-mes a gres an bos; hag ev a viras, hag otta, yth esa an bos gans tan, mes ny veu konsumys.

Ezekiel 1:27

My a welas neppyth haval dhe wolow amber, kepar ha golowgylgh a dan a-dro dhodho, war-vann dhiworth semlans y dhiwglun; ha war-nans dhiworth semlans y dhiwglun my a welas neppyth haval dhe dan, ow splanna a-dro dhodho.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Dewteronomi 4:24

Rag an Arloedh dha Dhuw yw tan ow tevorya, Duw avius.

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 9:3

Godhvydh ytho hedhyw, yth yw an Arloedh dha Dhuw neb a dreus a-ragos avel tan ow tevorya. Ev a's distru hag ev a's uvelha a-ragos. Ty a gemmer aga eretons ha'ga distrui toeth da kepar dell gewsis dhis an Arloedh.

Ebrowyon 12:18

Rag ny nessowgh dhe neppyth a yll bos tochys, tan ow tewi, ha tewlder, ha tewlwolow, ha korwyns,

Ebrowyon 12:29

rag agan Duw yw tan a gowllesk.