Eksodus 24:12 - An Bibel Kernewek 20234 (Kernewek Kemmyn)

¹² An Arloedh a leveris dhe Moyses, ‘Yskynn dhymm war an menydh, ha gortos ena, ha my a re dhis an leghennow a ven, gans an lagha ha'n gorhemmynn, re skrifis dh'aga dyskans.’

Eksodus 24:12 Iomraidhean Croise

1 Myghternedh 19:11

Ev a leveris, ‘Ke ha sevel war an menydh a-rag an Arloedh, rag yma an Arloedh ow tremena.’ Gwyns krev a dheuth, ow folsa menydhyow ha terri kerrek dhe demmyn a-rag an Arloedh, mes nyns esa an Arloedh y'n gwyns; ha wosa an gwyns yth esa dorgrys, mes nyns esa an Arloedh y'n dorgrys;

Ezra 7:10

Rag Ezra re settsa y golonn dhe hwilas lagha an Arloedh, ha dh'y gul, ha dhe dhyski ordenansow ha breusow yn Ysrael.

Nehemia 9:13

Ty a dheuth yn-nans war venydh Sinay ha kewsel gansa dhiworth nev ha ri dhedha rewlys ewn ha gwir laghys, ordenansow ha gorhemmynnow da,

Nehemia 9:14

ha ty a dhyskas dhedha a-dro dhe'th sabot sans, ha ri dhedha gorhemmynnow, ordenansow ha lagha dre leuv Moyses dha was.

Salmow 19:12

Piw a woer konvedhes y gammweythresow? Glanha vy dhiworth ow feghosow kudh.

Eksodus 19:3

Ha Moyses a yskynnas dhe Dhuw, ha'n Arloedh a elwis dhodho yn-mes a'n menydh ow leverel, ‘Yndellma ty a lever dhe ji Yakob, ha derivas dhe vebyon Ysrael:

Eksodus 24:15

Ena Moyses a yskynnas war an menydh, ha'n gommolenn a gudhas an menydh.

Eksodus 24:18

Ha Moyses a entras a-ji dhe'n kommol hag yskynna war an menydh. Hag yth esa Moyses war an menydh dew-ugens dydh ha dew-ugens nos.

Eksodus 24:2

Moyses y honan a dheu nes dhe'n Arloedh, mes ny wra an re erell dos yn ogas, ha ny wra an bobel yskynna ganso.’

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Eksodus 32:1

Pan welas an bobel Moyses dhe hokya a dhiyskynna a'n menydh, an bobel a omguntellas war-barth gans Aron ha leverel dhodho, ‘Yn-bann, gwra dhyn ni duwow a wra mones a-ragon; rag an Moyses ma, an gour a'gan dros yn-mes a bow Ejyp, ny wodhon an pyth eus hwarvedhys dhodho.’

Eksodus 34:1

An Arloedh a leveris dhe Moyses, ‘Fols diw leghenn a ven haval dhe'n kynsa; ha my a wra skrifa war an leghennow an geryow esa war an kynsa leghennow, a derrsys.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Matthew 5:19

Rakhenna piwpynag a dorro onan a'n gorhemmynnow lyha ma ha dyski dhe dus gul yndella, ev a vydh gelwys an lyha yn gwlaskor nev, mes piwpynag a's gwrello ha'ga dyski, an keth den na a vydh gelwys meur yn gwlaskor nev.

2 Korinthianys 3:3

ha diskwedhys owgh hwi dhe vos lyther Krist, der agan menystrans; nyns owgh hwi skrifys der ynk, mes gans Spyrys an Duw bew, a-der yn leghyon a ven mes yn leghyon hag yw kolonnow a gig.

2 Korinthianys 3:7

Lemmyn mar teuth an menystrans a ankow yn golewder, grevys yn leghyon a ven, ma na allas mebyon Ysrael hwithra war fas Moyses drefenn golewder y fas, ow tremena dhe-ves dell esa,

Dewteronomi 4:14

An Arloedh a'm gorhemmynnis y'n tor' na dhe dhyski dhywgh ordenansow ha breusow, dh'aga gul y'n tir mayth esowgh ow treusi bys di dh'y erita.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Dewteronomi 5:31

Mes ty sav omma genev, may kowsav orthis oll an gorhemmynn, ha'n ordenansow ha'n breusow a dhyskydh dhedha, ma's kwrellons y'n tir a rov dhedha dh'y erita.’

Ebrowyon 9:4

a'n jevo ynno an alter owrek a ynkys hag argh an kevambos kudhys pub tenewen gans owr, hag ynni seth owrek a synsi an manna, ha gwelenn Aron hag a eginas, ha leghennow an kevambos;