Eksodus 24:10 - An Bibel Kernewek 20234 (Kernewek Kemmyn)

¹⁰ ha gweles Duw Ysrael, hag yth esa yn-dann y dreys kepar ha leur a saffir avel nev y honan yn klerder.

Eksodus 24:10 Iomraidhean Croise

Jenesis 32:30

Ha Yakob a elwis hanow an tyller Peniel, ‘Rag my re welas Duw fas orth fas, ha gwithys saw yw ow enev.’

Jenesis 32:31

Ha'n howl a dhrehevis warnodho hag ev ow tremena Penuel; hag yth esa ow kloppya drefenn y glun.

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

2 Kroniklys 6:17

Lemmyn, A Arloedh, Duw Ysrael, surha dha er a leversys dhe'th was Davydh.

Eksodus 24:11

Ha ny worras y dhorn war vryntinyon mebyon Ysrael; i a viras war Dhuw, ha dybri hag eva.

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Eksodus 33:20

Mes y leveris, ‘Ny welydh ow fas; rag ny'm gwel den ha bewa.’

Eksodus 33:23

ena my a wra gorra ow dorn a-denewen, ha ty a welvydh ow heyn; mes ny vydh gwelys ow fas.’

An Gan a Ganow 5:14

Avel gwelynni owr yw y dhiwvregh, afinys gans topaz; y dorr yw plat a dhans olifans, afinys gans saffir.

An Gan a Ganow 6:10

‘Piw yw homma neb a vir yn-nans kepar ha'n bora, mar deg avel an loer, mar splann avel an howl, euthyk kepar ha lu gans baneryow?’

Kynvannow 4:7

Glanna o hy nazirysi ages an ergh, kanna ages leth, ruttha aga horf ages koral, aga fisment kepar ha saffir.

Ezekiel 1:1

Y'n trydhegves blydhen, y'n peswora mis, yn pympes dydh an mis, pan esen yn mysk an dhivresow ryb an avon Kebar, an nevow a veu igerys, ha my a welas gwelesigethow Duw.

Ezekiel 10:1

Ena my a viras, hag otta, y'n fyrmament esa a-ugh penn an cherubim yth esa neppyth avel men saffir, hag yth omdhiskwedhas a-ughta avel semlans hevelep tron.

Daniel 10:17

Fatell yll gwas ow arloedh kewsel gans ow arloedh omma? Nyns eus nerth vyth ynnov lemmyn, ha nyns eus anall gesys dhymm.’

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Matthew 17:2

Hag ev a veu treusfigurys a-ragdha, ha'y fas a derlentris avel an howl, ha'y dhillas o mar wynn avel an golow.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 14:9

Yn-medh Yesu dhodho, ‘Esen vy genowgh termyn mar hir, ha ny'm aswonnsys, Felip? Neb re'm gwelas vy re welas an Tas; ha fatell leverydh, “Diskwa dhyn an Tas”?

Yowann 6:46

Nyns yw, nebonan dhe weles an Tas; marnas ev neb usi dhiworth Duw, ev re welas an Tas.

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

1 Yowann 4:12

Bythkweth ny welas denvyth Duw. Mar keryn an eyl y gila, Duw a drig ynnon, ha'y gerensa yw perfydhhes ynnon.

Diskwedhyans 1:16

Ha ganso yn y dhorn dhyghow yth esa seyth sterenn, ha kledha lymm dewvinyek ow tos yn-mes a'y anow, ha'y fas kepar ha'n howl ow splanna yn y nerth.

Diskwedhyans 21:11

ha gensi golewder Duw, ha'y golow kepar ha men a'n moyha drudh, kepar ha men yasper, mar lan avel gwrys.

Diskwedhyans 4:3

Hag ev neb o esedhys war an tron a heveli kepar ha men yasper ha sardius, hag yth esa kammneves a-dro dhe'n tron kepar ha gwyrven,