Eksodus 23:6 - An Bibel Kernewek 20234 (Kernewek Kemmyn)

⁶ Ny wredh kammdreylya gwirvreus rag dha dhen boghosek yn y gen.

Eksodus 23:6 Iomraidhean Croise

2 Kroniklys 19:7

Yndella bedhes own an Arloedh warnowgh; attendyewgh an pyth a wrewgh, rag nyns eus anewnder gans an Arloedh agan Duw, na faverans, na kemmeres falswobrow.’

Job 31:13

‘Mar skonnyen gwirvreus dhe'm gwas ha'm maghteth, pan esa gansa grevons er ow fynn,

Lavarow Koth 18:5

Nyns yw da diskwedhes faverans dhe debelwas, na herdhya den gwiryon dhe-ves dhiworth gwirvreus.

Lavarow Koth 22:22

Na lader dhiworth an boghosek rag y vos boghosek; na vrew an edhommek orth an yet.

Lavarow Koth 31:5

poken i a yv hag ankevi an taklow a veu ordenys, hag a gammdreyl gwir an voghosogyon.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 5:23

neb a dhelirv an kablus dhe wari rag falswober, ha kemmeres ewnder dhe-ves dhiworth an dus wiryon.

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Yeremia 6:28

I oll yw rebellys worth, ow kerdhes gans sklanderyow: brest ha horn yns i; meschyv a wrons i oll.

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Levitikus 19:15

Ny wrewgh kammhynseth y'n vreus. Ny wre'ta favera an boghosek, na gul revrons dhe'n den galloesek, mes ty a vreus dha gentrevek gans ewnder.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

Dewteronomi 27:19

‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.