Eksodus 23:30 - An Bibel Kernewek 20234 (Kernewek Kemmyn)

³⁰ Tamm ha tamm my a wra aga fesya dhe-ves a-dheragos erna vowgh ynkressys hag ow perghenna an tir.

Eksodus 23:30 Iomraidhean Croise

Dewteronomi 7:22

An Arloedh dha Dhuw a remov an kenedhlow ma a-ragos tamm ha tamm. Ny yllydh aga distrui toeth men, rag own a'n goedhviles dhe balshe er dha bynn.

Yoshua 13:6

My a fes a-rag an Ysraelysi oll trigoryon an vro venydhyek a-dhiworth Lebanon bys Misrefoth-maym, hag oll an Sidonysi. Lemen gwra henna dhe goedha rag an Ysraelysi avel aga eretons, dell worhemmynnis dhis.

Yoshua 23:4

Mirewgh fatell wrugavy ranna ragowgh an kenedhlow ma yw gesys avel eretons rag agas loethow, a-dhiworth an Yordan hag oll an kenedhlow re dhistruis, bys an Mor Meur y'n howlsedhes.

Yoshua 23:5

An Arloedh agas Duw y honan a's fesyas a-dheragowgh, ha'ga chasya mes a'gas gwel; ha hwi a gemmer aga thir yn perghennogeth, par dell leveris an Arloedh agas Duw dhywgh.

Yoshua 23:9

Rag an Arloedh re fesyas a-dheragowgh kenedhlow bras ha galloesek; nyns eus gour a allas sevel orthowgh bys y'n jydh ma.