Eksodus 23:27 - An Bibel Kernewek 20234 (Kernewek Kemmyn)

²⁷ My a wra dannvon ow euth a-ragos, ha gorra yn deray oll an dus may tewgh er aga fynn, ha my a wra dhe'th eskerens oll treylya keyn er dha bynn.

Eksodus 23:27 Iomraidhean Croise

Jenesis 35:5

Ena i eth yn-kerdh. Yth esa own Duw war an sitys a-dro dhedha, ha ny wrussons siwya mebyon Yakob.

2 Samuel 22:41

Ty re ros dhymm gwarrow ow eskerens, may hallen vy distrui an re a'm kas.

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

2 Kroniklys 14:14

I a weskis oll an sitys yn kyrghynn Gerar, rag yth esa own an Arloedh warnedha. I a ravnas oll an sitys, rag yth esa meur a breydh ynna.

Salmow 18:40

Ty re ros dhymm gwarrow ow eskerens, may hallen vy distrui an re a'm kas.

Salmow 21:12

Rakhenna ty a wra dhedha treylya aga heyn; ty a dharbar kerdyn dha waregow erbynn aga fasow.

Eksodus 33:2

Ha my a wra dannvon el a-ragos ha my a wra gorra dhe-ves an Kananysi, an Amorysi, an Hittysi, an Perizzysi, an Hivysi ha'n Yebusysi.

Eksodus 34:24

Rag my a wra fesya kenedhlow a-ragos, ha lesa dha oryon; ha ny'n jevydh denvyth hwans dhe'th tir, pan yskynnowgh dhe omdhiskwedhes a-rag an Arloedh dha Dhuw teyrgweyth y'n vlydhen.

Niverow 22:3

Hag yth esa Moab yn own meur a'n bobel, drefenn aga bos lies; hag euth a'n jeva Moab a vebyon Ysrael.

Dewteronomi 11:23

ena an Arloedh a jas yn-mes oll an kenedhlow ma a-ragowgh, ha hwi a erit dhiworth kenedhlow brassa ha kreffa agesowgh.

Dewteronomi 11:25

Denvyth ny yll sevel er agas pynn. An Arloedh agas Duw a re euth ahanas hag own ahanas war enep oll an tir may trettyowgh warnodho, kepar dell gewsis orthowgh.

Dewteronomi 2:25

Hedhyw my a dhalleth settya agha ahanas hag own ahanas war an kenedhlow yn-dann an nevow oll, neb a glew derivas ahanas, hag i a gren ha bos yn gloesow a'th wovis.’

Dewteronomi 6:19

dhe fesya oll dha eskerens a-ragos, kepar dell gewsis an Arloedh.

Dewteronomi 7:23

Mes an Arloedh dha Dhuw a's delirv dhis, ha'ga tewlel yn deray bras bys pan vons distruys.

1 Samuel 14:15

Yth esa kren y'n lu, y'n gwel, hag yn mysk oll an bobel; an savla-goelyadoryon, bagas an ravnoryon a grenas ynwedh, ha'n dor a grysyas; hag y teuth ha bos skruth pur vras.