Eksodus 23:26 - An Bibel Kernewek 20234 (Kernewek Kemmyn)

²⁶ Ny wra travyth kammomdhoen na ny vydh gownagh y'th tir; niver dha dhydhyow my a gollenow.

Eksodus 23:26 Iomraidhean Croise

Jenesis 25:8

Ena Abraham a dremenas hag a verwis yn kothni dha, den koth, leun a vlydhynyow, hag y feu kuntellys dh'y bobel.

Jenesis 35:29

Hag Ysak a dremenas hag a verwis, hag a veu kuntellys dh'y bobel, leun a dhydhyow; ha'y vebyon Esaw ha Yakob a'n ynkleudhyas.

1 Kroniklys 23:1

Pan o myghtern Davydh koth ha leun a dhydhyow, ev a wrug Solomon y vab myghtern war Ysrael.

Job 21:10

Aga tharow a dhineyth heb falladow; gans leughi yw aga bughes, ha ny gammdhegons.

Job 42:17

Ha Job a verwis, koth ha leun a dhydhyow.

Job 5:26

Ty a dheu dhe'th vedh yn dha gothni, kepar dell dheu garr a reunenn war-vann yn hy seson.

Salmow 107:38

Hag ev a's bennik, mayth ynkressyons yn fras, ha ny as aga gwarthek dhe lehe.

Salmow 144:13

Re bo agan skiberyow leun, ow ri boes a bub eghenn; ha re dhineyttho agan deves milyow ha degow a vilyow yn agan gwelyow.

Salmow 55:23

Mes ty, A Arloedh, a's gorr yn-nans dhe doll an pytt; ny vew tus woesek ha fals moy ages hanter aga dydhyow; byttegyns my a drest ynnos jy.

Salmow 90:10

Dydhyow agan blydhynyow yw deg blydhen ha tri-ugens; po dre reson krevder peswar-ugens blydhen, byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

Ysay 65:20

Ny vydh ena na fella baban a vew nebes dhydhyow, na ny vydh den koth na vew oll y dydhyow; rag neb a verow kans penn-bloedh a vydh synsys avel maw, ha neb na dhrehedh dhe gans a vydh synsys avel milliges.

Hosea 9:14

Ro dhedha i, Arloedh! pandr'a redh? Ro dhedha i torr a gyll hy askorr, ha diwvronn sygh.

Dewteronomi 28:4

Benniges vydh frut dha gorf, frut dha dir, ha frut dha jatel, leughi dha vughes, hag eyn dha flokk.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 7:14

Benniges vydhydh moy ages an poblow oll; ny vydh ynnos gour po benyn anvap, nag yn mysk dha vestes.