Eksodus 23:25 - An Bibel Kernewek 20234 (Kernewek Kemmyn)

²⁵ Ha hwi a wra servya an Arloedh agas Duw, ha my a wra benniga dha vara ha'th towr; ha my a wra kemmeres kleves dhe-ves a-dhiworthis.

Eksodus 23:25 Iomraidhean Croise

Salmow 103:3

Neb a av dhis oll dha gammweyth, neb a yaghha oll dha glevesow,

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Ekklesiastes 5:20

Rag ny berth kov meur a oll an boghes dydhyow a'y vewnans, drefenn Duw a'n gwith bysi dre blesour y golonn.

Ysay 33:16

ev a vydh trigys y'n ughelderyow, dinasow an karregi a vydh y skovva; y vara a vydh res dhodho, ha ny fyll dowr dhodho.

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Daniel 1:15

Orth diwedh deg dydhweyth y hwelys bos gwell aga semlans ha tewa aga hig ages oll an vebyon neb a dhybri boes an myghtern.

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 26:3

Mar kerdhowgh war-lergh ow ordenansow ha gwitha ow gorhemmynnow ha'ga gul,

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Dewteronomi 10:12

Ha lemmyn Ysrael, pandr'a wovynn an Arloedh orthis marnas perthi own a'n Arloedh dha Dhuw, kerdhes yn oll y fordhow, ha'y gara, ha servya an Arloedh dha Dhuw gans oll dha golonn ha gans oll dha enev,

Dewteronomi 10:20

Porth own a'n Arloedh dha Dhuw ha gwra y servya. Glen orto, ha to ren y hanow.

Dewteronomi 13:4

Hwi a dal kerdhes war-lergh an Arloedh agas Duw, ha perthi own anodho, ha gwitha y worhemmynnow, hag obaya y lev, ha'y servya, ha glena orto.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.

Dewteronomi 7:13

Ev a'th kar ha'th venniga hag ynkressya dha niver. Hag ev a vennik frut dha gorf, ha frut dha dir, dha ys ha'th win ha'th olew, leughi dha jatel, hag eyn dha flokk war an tir a dos dhe'th tasow dhe ri dhis.

Dewteronomi 7:15

An Arloedh a dreyl dhiworthis pub dises; ha ny sett warnas oll an klevesow vil a Ejyp a wodhves, mes ev a's gorr war oll an re a'th kas.

Yoshua 22:5

Mes gwaytyewgh gwitha gans rach an gorhemmynn ha'n lagha a worhemmynnis Moyses gwas an Arloedh dhywgh: kara an Arloedh agas Duw, kerdhes yn oll y fordhow, gwitha y worhemmynnow, ha glena dhodho, ha'y servya gans oll agas kolonn hag gans oll agas enev.’

Yoshua 24:21

Hag yn-medh an bobel dhe Yoshua, ‘Nansi, ni a serv an Arloedh.’

Yoshua 24:24

Yn-medh an bobel dhe Yoshua, ‘An Arloedh agan Duw a servyn, ha ni a woslow orth y lev.’

1 Samuel 12:20

Ha Samuel a leveris dhe'n bobel, ‘Na berthewgh own; hwi re wrug oll an drog ma, mes na dreylyewgh a-denewen a-dhiworth holya an Arloedh, mes servyewgh an Arloedh gans oll agas kolonn;

1 Samuel 12:24

Perthewgh own a'n Arloedh, ha'y servya yn gwiryonedh gans oll agas kolonn; prederewgh an traow meur re wrug ev ragowgh.

1 Samuel 7:3

Ena Samuel a gewsis dhe oll chi Ysrael ow leverel, ‘Mars esowgh hwi ow tehweles dhe'n Arloedh gans oll agas kolonn, ena gorrewgh dhe-ves an duwow astranj ha'n Ashtaroth a-dhiworth agas mysk. Settyewgh agas kolonn war an Arloedh, ha servyewgh unnsel ev, hag ev a'gas delirv yn-mes a leuv an Filistysi.’