Eksodus 23:24 - An Bibel Kernewek 20234 (Kernewek Kemmyn)

²⁴ Ny omblegydh a-rag aga duwow, na'ga servya, na gul herwydh aga oberow, mes ty a wra aga distrui yn tien ha terri aga feulveyn dhe demmyn.

Eksodus 23:24 Iomraidhean Croise

2 Myghternedh 17:11

hag ena i a loskas offrynnow yn pub tyller ughel, kepar dell wre an kenedhlow a wrug an Arloedh aga fesya a-ragdha. I a wre drogoberow a brovokyas an Arloedh dhe sorr;

2 Myghternedh 17:8

ha kerdhes yn ordenansow an kenedhlow a wrussa an Arloedh aga fesya yn-mes a-rag an Ysraelysi, ha kerdhes y'n taklow gwrys gans myghternedh Ysrael.

2 Myghternedh 18:4

Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.

2 Myghternedh 3:2

Ev a wrug drog yn golok an Arloedh, mes nyns o kepar dell wre y das ha'y vamm. Ev a dhileas peulven Baal re wrussa y das.

2 Kroniklys 14:2

Asa a wrug an pyth o da hag ewn yn golok an Arloedh y Dhuw.

2 Kroniklys 25:14

Wosa Amasia dhe dhehweles dhiworth ladhva an Edomysi, ev a dhros duwow mebyon Seir ha'ga drehevel avel y dhuwow y honan ha'ga gordhya, ha leski offrynnow dhedha.

2 Kroniklys 33:2

Ev a wrug an pyth o drog yn golok an Arloedh, war-lergh oberow kasadow an kenedhlow a wrussa an Arloedh aga fesya a-rag pobel Ysrael.

2 Kroniklys 33:9

Manasse a ledyas Yuda ha trigoryon Yerusalem yn stray, bys may hwrussons moy drog ages an kenedhlow a dhiswrussa an Arloedh a-rag pobel Ysrael.

Salmow 101:3

Ny worrav travyth anwiw a-dherag ow dewlagas. My a gas ober an re a gildenn; ny len orthiv.

Eksodus 20:3

Ny vydh dhis duwow erell a-ragov.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Eksodus 23:32

Ny wredh kevambos gansa na gans aga duwow.

Eksodus 23:33

Ny wrons triga y'th tir, ma na wrellons dhis pegha er ow fynn; rag mar servydh aga duwow, y fydh antell ragos sur.

Eksodus 32:20

Hag ev a gemmeras an leugh re wrussons, ha'y leski gans tan, ha'y velyas dhe bolter, ha'y skoellya war an dowr hag a wrug dhe vebyon Ysrael y eva.

Ezekiel 16:47

A ny gerdhsys yn aga fordhow ha'ga thaklow kasadow? A verr spys y feus moy legrys agessa i yn oll dha fordhow.

Hosea 10:2

Aga holonn yw fals; lemmyn i a berth an kessydhyans a'ga offens. Ev a wra dralya aga alteryow, ha distrui aga feulveyn.

Levitikus 18:3

Ny wrewgh naneyl war-lergh gwriansow pow Ejyp le mayth esewgh trigys, na war-lergh gwriansow pow Kanan le mayth esov orth agas dri, na gwrewgh hwi kerdhes war-lergh aga ordenansow.

Levitikus 26:1

Ny wrewgh ragowgh idolys, ha ny dhrehevowgh ragowgh imaj gravys na peulven, na settya men gravys war agas tir dhe omblegya dhodho, rag an Arloedh agas Duw ov vy.

Niverow 25:2

An re ma a elwis an bobel dhe sakrifisow aga duwow, ha'n bobel a dhybris, hag omblegya dh'aga duwow.

Niverow 33:52

ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

Dewteronomi 12:3

Terrewgh aga alteryow dhe'n dor, ha brewi aga feulveyn, ha leski aga Asherim gans tan; treghewgh dhe'n dor imajys gravys aga duwow, ha distrui aga hanow dhiworth an tyller na.

Dewteronomi 7:5

Mes yndella y hwrewgh dhedha: hwi a derr dhe'n dor aga alteryow, ha brewi aga feulveyn, ha treghi aga Asherim, ha leski aga imajys gravys gans tan.