Eksodus 23:21 - An Bibel Kernewek 20234 (Kernewek Kemmyn)

²¹ Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Eksodus 23:21 Iomraidhean Croise

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 72:19

Ha benniges re bo y hanow gloryus bynitha, hag oll an nor a vydh lenwys a'y wolewder. Amen hag Amen.

Salmow 78:40

Ass wrussons i sevel lieskweyth er y bynn y'n difeyth ha grevya dhodho y'n gwylvos!

Salmow 78:56

Mes i a brovas hag a sorras Duw Ughella, ha ny synsons y dhustuniow;

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Eksodus 3:14

Duw a leveris dhe Moyses, ‘my yw neb yth ov vy.’ Hag y leveris, ‘Lavar hemma dhe vebyon Ysrael, “my yw re'm dannvonas dhywgh.” ’

Eksodus 32:34

Mes lemmyn, ke, hembronk an bobel dhe'n tyller a gewsis dhis anodho; otta, ow el a wra mos a-ragos. Byttegyns, an jydh may tyffiv, my a wra aga hessydhya a'ga fegh.’

Eksodus 6:3

ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Ysay 45:6

rag may hwodhvons, dhiworth an howldrehevel ha dhiworth an howlsedhes, nag eus nagonan a-der my, my yw an Arloedh ha nyns eus ken.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ysay 9:5

Rag pub botasenn ow trettya yn tervans an gas, ha pub mantell rolys a-dro yn goes a vydh leskys, keunys dhe'n tan.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Yeremia 5:7

Fatell wrav vy gava hemma dhis? Dha fleghes re'm eskasas, ha ti re dhuwow nag yw duwow mann: My a's magas dhe walgh, i a wrug avoutri, hag omguntell yn routhow dhe jiow horys.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Niverow 14:11

Ha'n Arloedh a leveris dhe Moyses, ‘Pes termyn y hwra an bobel ma ow disenora? Ha pes termyn ny wrons krysi ynnov, yn spit dhe'n toknys oll a wrug yn aga mysk?

Niverow 14:35

My, an Arloedh, re gewsis; yn sur hemma a wrav dhe oll an tebel guntelles ma yw kuntellys er ow fynn: y'n gwylvos ma i a dheu dhe leun worfenn, hag ena i a verow.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Yowann 10:30

My ha'm Tas yw onan.’

Yowann 10:38

Mes mar kwrav, kyn na wrewgh krysi dhymm, krysewgh an oberow, rag may hwryllowgh godhvos ha krysi an Tas dhe vos ynnov vy, ha my y'n Tas.’

Yowann 5:23

may hwrello peub enora an Mab, kepar dell enorons an Tas. Neb na enor an Mab ny enor an Tas neb a'n dannvonas.

Efesianys 4:30

Ha na wrewgh grevya Spyrys Sans Duw, yn neb hwi a veu selys rag dydh daspren.

Dewteronomi 18:19

An gour neb na woslow orth ow geryow a gews y'm hanow, my a rekwir akont anodho.

Dewteronomi 9:7

Porth kov, na ankov, fatell serrsys an Arloedh dha Dhuw y'n gwylvos. A-dhia'n jydh may teuth yn-mes a bow Ejyp bys may teuthewgh bys y'n tyller ma, hwi re beu ow rebellya erbynn an Arloedh.

Kolossianys 2:9

rag ynno ev y trig pub leunder a'n Duwsys, yn korfek.

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 3:16

Piw ens a glewsons mes heb rebellya na hwath? A nyns ens oll an re a asas Ejyp yn-dann Moyses?

Yoshua 24:19

Yoshua a leveris dhe'n bobel, ‘Ny yllowgh servya an Arloedh. Duw sans yw ev, Duw a avi yw, ny wra ev gava agas treuspassow na'gas peghosow.

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.

Diskwedhyans 1:8

‘My yw an Alfa ha'n Omega’, yn-medh an Arloedh Duw, neb yw, ha neb o, ha neb a dheu, an Ollgalloesek.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

Diskwedhyans 2:8

‘Ha dhe el an eglos yn Smyrna skrif: An taklow ma a lever an kynsa ha'n diwettha, a veu marow, ha devedhys yw dhe vewnans:

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

Breusysi 13:18

Mes el an Arloedh a leveris dhodho, ‘Prag y hwovynnydh orthiv ow hanow? Re varthys yw.’