Eksodus 23:12 - An Bibel Kernewek 20234 (Kernewek Kemmyn)

¹² Hwegh dydh ty a wra dha ober, mes y'n seythves dydh ty a wra powes; may fo powes dhe'th ojyon ha dhe'th asen, ha may fo diskwithys mab dha gethes, ha'n alyon.

Eksodus 23:12 Iomraidhean Croise

Nehemia 13:16

Yth esa tus a Tyr trigys ena ynwedh, ow tri pysk ha marchondis a bub eghenn ha'ga gwertha y'n sabot dhe dus Yuda yn Yerusalem

Eksodus 16:23

ev a leveris dhedha, ‘Hemm yw an pyth a worhemmynnis an Arloedh: “An vorow a vydh dydh a bowes, sabot sans dhe'n Arloedh; pebewgh an pyth a bebowgh ha bryjyewgh an pyth a vryjyowgh, ha pup-tra yw gesys gorrewgh a-denewen dhe vos gwithys bys y'n myttin.” ’

Eksodus 23:11

mes y'n seythves blydhen ty a as dhodho powes ha bos anerys, may teppro boghosogyon dha bobel; ha'n pyth a asons, an bestes gwyls a yll dybri. Ty a wra yndellma ynwedh gans dha winlann ha gans dha olivennek.

Eksodus 34:21

Hwegh dydh ty a wra oberi, mes y'n seythves dydh ty a wra powes; yn termyn aras ha trevas ty a wra powes.

Eksodus 35:2

Hwegh dydh y fydh ober gwrys, mes y'n seythves dydh y'gas bydh sabot sans a bowes dhe'n Arloedh; piwpynag a wrello ober vyth ynno a vydh gorrys dhe'n mernans;

Eksodus 35:3

ny wrewgh hwi enowi tan vyth yn agas annedhow dydh an sabot.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Levitikus 23:3

Yma hwegh dydh may fydh ober gwrys, ha'n seythves dydh yw sabot powes, kuntelles sans. Ny wrewgh hwi gul ober vyth. Sabot an Arloedh yw yn oll agas trigvaow.

Mark 2:27

Hag ev a leveris dhedha, ‘An sabot a veu gwrys rag mab-den, a-der mab-den rag an sabot;

Luk 13:14

Mes rewler an synaga, serrys rag Yesu dhe yaghhe yn dydh sabot, a worthybis, ha leverel dhe'n routh, ‘Yma hwegh dydh may tal oberi; dewgh ytho ynna ha bos yaghhes, a-der y'n sabot.’