Eksodus 23:11 - An Bibel Kernewek 20234 (Kernewek Kemmyn)

¹¹ mes y'n seythves blydhen ty a as dhodho powes ha bos anerys, may teppro boghosogyon dha bobel; ha'n pyth a asons, an bestes gwyls a yll dybri. Ty a wra yndellma ynwedh gans dha winlann ha gans dha olivennek.

Eksodus 23:11 Iomraidhean Croise

Nehemia 10:31

ha mar trollo boblow an pow gwara po neb greun yn dydh sabot dhe wertha, ny brenyn dhiworta yn dydh sabot po yn dydh sans; ha pub seythves blydhen ny a as an tir anerys, ha ni a dhile oll kendonow.

Nehemia 10:32

Ynwedh ni a sett warnan agan honan an charj dhe gowlwul an gorhemmynn dhe ri tressa rann a shekel a arghans pub blydhen rag servis chi agan Duw:

Eksodus 23:10

Hwegh blydhen ty a wra hasa y'th tir ha kuntell y askorr;

Eksodus 23:12

Hwegh dydh ty a wra dha ober, mes y'n seythves dydh ty a wra powes; may fo powes dhe'th ojyon ha dhe'th asen, ha may fo diskwithys mab dha gethes, ha'n alyon.

Levitikus 25:20

Ha mar leverowgh, Pandr'a wren ni dybri y'n seythves blydhen, mar ny wren ny hasa na kuntell agan trevas?

Levitikus 25:22

Pan hesowgh has y'n ethves blydhen, hwi a dheber frut koth; bys y'n nawves blydhen, pan dheu hy threvas, hwi a dheber an frut koth.

Niverow 16:14

Moy es henna ny wrussys agan dri yn tir a dhinwa leth ha mel, na ri dhyn eretons a barkow na gwinlannow. A vynnydh genna yn-mes lagasow an wer ma? Ny vynnyn dos yn-bann.’

Dewteronomi 15:11

Rag an boghosek ny hedh yn-mes a'n tir. Rakhenna my a worhemmynn dhis, ‘Igor dha leuv a-les dhe'th vroder, dhe'th edhommek ha dhe'th voghosek y'th tir.’