Eksodus 22:30 - An Bibel Kernewek 20234 (Kernewek Kemmyn)

³⁰ Ty a wra yndellma ynwedh gans dha oghen ha gans dha dheves: seyth dydh y fydh gans y vamm; y'n ethves dydh ty a wra y ri dhymm.

Eksodus 22:30 Iomraidhean Croise

Jenesis 17:12

Ha nebonan yn agas mysk a vo eth dydh y oes a vydh trodreghys, pub flogh gorow der agas henedhow neb yw genys y'th chi po nebonan nag yw dha has jy prenys gans mona dhiworth estren.

Eksodus 13:12

ty a wra profya dhe'n Arloedh peub a iger an brys. Pub kynsa-genys a'th warthek yw gorow a vydh dhe'n Arloedh.

Ezekiel 4:14

Ena my a leveris, ‘Ogh Arloedh Duw, otta, ny veu ow enev defolys, ha karynyes ha kig skwardys gans bestes gwyls ny dhybris a-dhia'm yowynkneth bys lemmyn, ha kig avlan ny dheuth y'm ganow.’

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Levitikus 11:45

Rag my yw an Arloedh a'gas dros yn-mes a bow Ejyp, dhe vos agas Duw; ytho bedhewgh sans, rag sans ov vy.

Levitikus 12:3

Hag y'n ethves dydh y fydh trodreghys kig y gudhgenn.

Levitikus 17:15

Ha pub den a dheppro karyn po neppyth re beu skwardys gans bestes gwyls, genesik po alyon kyn fo, ev a wolgh y dhillas hag omvadhya yn dowr, hag ev a vydh avlan bys y'n gorthugher, hag ena glan vydh ev.

Levitikus 22:27

Pan yw ojyon po oen po gaver dineythys, y fydh seyth dydh yn-dann y vamm, hag a-dhia'n ethves dydh ev a vydh kemmeradow rag offrynn dre dan dhe'n Arloedh.

Levitikus 22:8

Ny wra dybri an pyth a verow y honan, po yw skwardys gans bestes gwyls. Ny dheber hemma, owth omdhefola dredho. An Arloedh ov vy.

Levitikus 7:23

Kows orth mebyon Ysrael ow leverel: Na wrewgh hwi dybri blonek a sort vyth, ojyon, davas, na gaver.

Levitikus 7:24

Blonek best a verow y honan po yw skwardys gans bestes gwyls a yll bos usys yn neb fordh arall mes ny wrewgh hwi y dhybri.

Levitikus 7:26

Ny wrewgh hwi dybri goes vyth yn oll agas trigvaow, naneyl a edhen nag a vest.

Dewteronomi 14:21

Ny dhebrowgh karyn vytholl. Ty a yll y ri dhe'n alyon usi a-ji dhe'n yetys hag ev a'n deber; po ty a yll y wertha dhe estren, rag ty dhe vos pobel sans dhe'n Arloedh dha Dhuw. Ny wre'ta bryjyon mynn yn leth y vamm.

Dewteronomi 15:19

Pub kynsa-genys gorow a vo genys y'th gre hag y'th flokk ty a saker dhe'n Arloedh dha Dhuw. Ny wonedhydh gans kynsa-genys dha oghen, na knyvyas kynsa-genys dha flokk.