Eksodus 22:24 - An Bibel Kernewek 20234 (Kernewek Kemmyn)

²⁴ hag ow sorr a wra leski, ha my a'gas ladh dre gledha, ha'gas gwragedh a vydh gwedhwesow ha'gas mebyon a vydh omdhivasow.

Eksodus 22:24 Iomraidhean Croise

Nehemia 5:7

Lemmyn my a ombrederis y'm brys ha my a gedrynnas gans an ugheloryon ha'n soedhogyon. My a leveris dhedha, ‘Hwi a gemmer oker, pubonan dhiworth y vroder.’ Ytho my a elwis kuntelles bras er aga fynn.

Job 31:23

Rag yth esa euth dhymm a derroes dhiworth Duw, ha drefenn y ryelder ny yllyn gul henna.

Salmow 109:2

rag ganow an tebelwas ha'n ganow a falsuri yw igor er ow fynn; i re gewsis er ow fynn gans fals taves;

Salmow 109:9

Bedhes y fleghes omdhivasow, ha'y wreg gwedhwes.

Salmow 15:5

neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.

Salmow 69:24

Dyllo warnedha dha goler, ha re wrello dha sorr fers aga sesya.

Salmow 76:7

Ty, ty yw euthyk; ha piw a sev a-dheragos pan osta serrys?

Salmow 90:11

Piw a aswonn nerth dha sorr, ha'th koler, mar vras dell yw an own ahanas?

Yeremia 15:8

Aga gwedhwesow yw ynkressys dhymm moy es tewes an moryow; my re dhros erbynn mammow an wer yowynk diswrier dhe hanter-dydh: my re wrug skruth hag euth dhe goedha distowgh warnedha.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Kynvannow 5:3

Omdhivasow re beun heb tas; agan mammow yw kepar ha gwedhwesow.

Levitikus 25:35

Ha mars yw dha vroder devedhys ha bos boghosek ha heb pygans yn dha herwydh, ty a wra y ventena; kepar hag alyon po godriger y fydh ev trigys genes.

Levitikus 25:36

Na gemmer oker na gwayn dhiworto, mes perth own a dha Dhuw, may pessyo dha vroder bos trigys genes.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Luk 6:38

Rewgh, hag y fydh res dhywgh. Musur da, gweskys yn-nans, shakys war-barth, gorlenwys, a worrons yn agas askra; rag gans an musur may fusurowgh y fydh musurys arta dhywgh.’

Dewteronomi 23:20

Dhe'n estren ty a yll presta ow kovynn oker, mes dhiworth dha vroder na wovynn oker, rag ma'th vennikko an Arloedh dha Dhuw yn pup-tra may hworrydh dha leuv warnodho y'n tir esos ow tos bys di dh'y erita.

Dewteronomi 23:21

Pan ambosydh ambos dhe'n Arloedh dha Dhuw, na wra delatya an termyn dh'y gollenwel: drefenn an Arloedh dha Dhuw a'n hwila dhiworthis yn surredi, hag y fydh dhis pegh.

Ebrowyon 10:31

Tra euthyk yw koedha yntra diwleuv an Duw bew.