Eksodus 22:22 - An Bibel Kernewek 20234 (Kernewek Kemmyn)

²² Ny wrewgh tebeldhyghtya gwedhwes vyth po omdhivas.

Eksodus 22:22 Iomraidhean Croise

Job 31:16

‘Mar skonis hwansow an voghosogyon, po gul dhe dhewlagas an wedhwes fyllel,

Job 34:28

I a wrug dhe gri an voghosogyon dos dhodho, may klewas ev kri an dus truan.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Lavarow Koth 22:23

Rag an Arloedh a bled aga hen, ha pylla bewnans aga fylloryon.

Lavarow Koth 23:10

Na dhile men-kov koth, na enter yn parkow omdhivasow.

Lavarow Koth 23:11

Rag aga Dasprenyas yw krev; ev a bled aga hen er dha bynn.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Yeremia 7:7

ena my a as dhywgh triga y'n tyller ma, y'n tir a res dh'agas tasow, a-henys ha bys vykken.

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Zekaria 7:10

Na arweskewgh gwedhwes nag omdhivas, alyon na boghosek. Na dybewgh drog yn agas kolonn, den erbynn y vroder.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 23:14

‘Go-hwi, skribys ha Fariseow, falswesyon, rag hwi a lenk chiow gwedhwesow, hag yn fayntys hwi a wrewgh pysadow hir; rakhenna y kevowgh breus dhe voy tynn.

Dewteronomi 10:18

ow kul gwirvreus dhe'n omdhivas ha'n wedhwes, hag ow kara an alyon, ow ri dhodho bara ha dillas.

Dewteronomi 15:9

Kemmer with na vo drokpreder y'th kolonn, ow leverel, ‘An seythves blydhen re dheuth nes, blydhen an gevyans’, ha rakhenna dha lagas a vydh drog erbynn dha vroder boghosek, ha ny redh dhodho; hag ev a elow er dha bynn war an Arloedh, hag y fydh peghes ynnos.

Dewteronomi 24:17

Na gammdreyl breus dhiworth alyon nag omdhivas, ha na gemmer dillas gwedhwes avel goestel.

Dewteronomi 24:18

Porth kov dha vos keth yn Ejyp, ha'n Arloedh dha Dhuw a'th tasprenas alena; rakhenna my a worhemmynn dhis gul an dra ma.

Dewteronomi 27:19

‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’

Jamys 1:27

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.