Eksodus 22:21 - An Bibel Kernewek 20234 (Kernewek Kemmyn)

²¹ Ny wredh kammdhyghtya alyon na'y arwaska, drefenn hwi dhe vos alyons yn pow Ejyp.

Eksodus 22:21 Iomraidhean Croise

Job 6:27

Hwi a wrussewgh tewlel prenn war an omdhivas hogen, ha kesvargenya rag agas koweth.

Salmow 146:9

An Arloedh a with an alyons; ev a skoedh an omdhivas ha'n wedhwes, mes fordh an debeles ev a dhomhwel.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 23:9

Ynwedh, ny wredh arwaska alyon; hwi a aswonn kolonn alyon, rag hwi o alyons yn pow Ejyp.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 7:6

mar ny arweskowgh an alyon, an omdhivas, an wedhwes, ha mar ny skoellyowgh goes gwiryon y'n tyller ma, na kerdhes war-lergh duwow erell, dh'agas pystik agas honan,

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Levitikus 19:33

Ha mars eus alyon trigys genes yn agas tir, ny wrewgh y arwaska.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Levitikus 25:35

Ha mars yw dha vroder devedhys ha bos boghosek ha heb pygans yn dha herwydh, ty a wra y ventena; kepar hag alyon po godriger y fydh ev trigys genes.

Zekaria 7:10

Na arweskewgh gwedhwes nag omdhivas, alyon na boghosek. Na dybewgh drog yn agas kolonn, den erbynn y vroder.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Dewteronomi 1:16

My a worhemmynnis agas breusysi y'n termyn na, ow leverel, ‘Klewewgh an kenyow ynter agas breder, ha breusewgh yn ewnder yntra gour ha'y vroder ha'n alyon trigys ganso.

Dewteronomi 10:18

ow kul gwirvreus dhe'n omdhivas ha'n wedhwes, hag ow kara an alyon, ow ri dhodho bara ha dillas.

Dewteronomi 10:19

Kerewgh an alyon; rag hwi a veu alyons yn pow Ejyp.

Dewteronomi 15:15

Kovha y feus keth yn pow Ejyp, ha'n Arloedh dha Dhuw a'th tasprenas. Rakhenna yth esov ow korhemmynna dhis an dra ma hedhyw.

Dewteronomi 23:16

Ev a yll triga yntredhowgh, y'n tyller a dhewis, yn onan a'th yetys yw da ganso, ha ny wredh y arwaska.

Dewteronomi 23:7

Na aborr Edomyas, drefenn ev dhe vos dha vroder. Na aborr den a Ejyp, rag ty a veu alyon yn y bow.

Dewteronomi 24:17

Na gammdreyl breus dhiworth alyon nag omdhivas, ha na gemmer dillas gwedhwes avel goestel.

Dewteronomi 27:19

‘Mollothek yw ev neb a dreyl dhe-ves gwirvreus dhiworth an alyon, an omdhivas, ha'n wedhwes.’ Ena oll an bobel a lever, ‘Amen.’