Eksodus 22:17 - An Bibel Kernewek 20234 (Kernewek Kemmyn)

¹⁷ Mar nagh hy thas yn tien hy ri dhodho, ev a wra tyli arghans par dhe ro demmedhyans rag gwyrghesow.

Eksodus 22:17 Iomraidhean Croise

Jenesis 23:16

Hag Abraham a woslowas orth Efron, hag Abraham a boesas dhe Efron an arghans re lavarsa yn klewans mebyon Heth, peswar shekel a arghans war-lergh usadow an varchons.

Jenesis 30:20

Ena Lea a leveris, ‘Duw re ros dhymm argovrow da. An torn ma ow gour a wra ow avonsya, rag my re dhineythis hwegh mab dhodho.’ Ytho hi a elwis y hanow Zebulun.

Jenesis 34:12

Govynnewgh orthiv pris pur vras avel mona-pries ha ro, ha my a'n re dell leverowgh dhymm; saw rewgh dhymm an vowes avel gwreg.’

Levitikus 20:6

Ha'n den a dreyl dhe nygromons ha dhe goelyogyon, ow mos dhe horya gansa, my a vynn settya ow fas erbynn an den na ha'y dreghi dhe-ves dhiworth y bobel.

Dewteronomi 18:10

Ny vydh kevys yntredhowgh nebonan a offrynn y vab po y vyrgh gans tan, na neb a wra dewinieth, na koelyek, na gorhenyas, na pystrier,

Dewteronomi 22:29

an gour neb a wrowedhas gensi a re dhe das an vyrgh hanter-kans shekel arghans. Hi a vydh gwreg dhodho, rag ev a's uvelhas; ny yll hy didhemmedhi oll y dhydhyow.

1 Samuel 18:25

Ena Sowl a leveris, ‘Yndella y leverewgh dhe Davydh, “Ny vynn an myghtern ro demmedhyans vyth marnas kans kudhgenn a'n Filistysi, dhe dyli dial war eskerens an myghtern.” ’ Mes towl Sowl o gul Davydh dhe goedha dre leuv an Filistysi.

1 Samuel 28:3

Lemmyn Samuel o marow, hag oll Ysrael a gynis ragdho, ha'y ynkleudhyas yn Rama, y sita y honan. Sowl re bellhasa an nygromonsoryon ha'n goelyogyon mes a'n pow.