Eksodus 21:6 - An Bibel Kernewek 20234 (Kernewek Kemmyn)

⁶ ena y vester a wra y dhri dhe Dhuw, hag ev a wra y dhri dhe'n daras po dhe'n post-daras; ha'y vester a wra telli y skovarn gans mynowes hag ev a wra y servya bys vykken.

Eksodus 21:6 Iomraidhean Croise

1 Myghternedh 12:7

I a worthybis dhodho, ‘Mar pydhydh servont dhe'n bobel ma hedhyw ha'ga servya, ha kewsel geryow teg dhedha pan worthybydh, ena i a vydh dha wesyon bys vykken.’

Salmow 82:1

Duw a sev yn kuntelles nev; ev a vreus yn mysk an duwow.

Eksodus 12:12

Rag my a wra tremena dres pow Ejyp an nos na, ha my a wra gweskel pub kynsa-genys yn pow Ejyp, ha den ha best; ha war dhuwow Ejyp my a wra breus: my yw an Arloedh.

Eksodus 21:22

Pan omladh gwer war-barth, ha shyndya benyn gans flogh, may hwra hi kammomdhoen, ha hwath ny siw dregynn vyth, neb a's shyndyas a vydh spalyes, herwydh an pris settys gans gour an venyn; hag ev a dal herwydh mynnas an vreusydhyon.

Eksodus 21:5

Mes mar kwra an keth leverel yn igor, ‘My a gar ow mester, ow gwreg hag ow fleghes; ny vynnav mos rydh’,

Eksodus 21:7

Pan werth gour y vyrgh dhe vos maghteth, ny wra hi mos yn-mes avel an gethyon worow.

Eksodus 22:28

Ny wredh milliga Duw, na mollethi rewler dha bobel.

Ysay 1:26

My a wra restorya dha vreusysi kepar ha kyns, ha dha gonseloryon kepar hag y'n dalleth. Wosa hemma ty a vydh henwys sita an ewnder, an sita len.

Levitikus 25:23

Ny vydh an tir gwerthys bys vykken, rag my a bew an tir; rag hwi yw alyons ha godrigoryon genev.

Levitikus 25:40

mes kepar ha gwas arvethys ha godriger y fydh ev genes, hag ev a'th serv bys yn blydhen an yubile.

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Dewteronomi 1:16

My a worhemmynnis agas breusysi y'n termyn na, ow leverel, ‘Klewewgh an kenyow ynter agas breder, ha breusewgh yn ewnder yntra gour ha'y vroder ha'n alyon trigys ganso.

Dewteronomi 15:16

Mes mar lever dhis, ‘Nyns av dhiworthis’, rag ev a'th kar, ty ha'th chi, drefenn bos yn ta dhodho genes,

Dewteronomi 15:17

ena ty a gemmer mynowes ha'y worra der y skovarn bys y'n daras, hag ev a vydh keth dhis bys vykken. Ha rag dha vaghteth ynwedh ty a wra yndella.

Dewteronomi 16:18

Ty a re breusysi ha soedhogyon yn oll dha yetys a wra an Arloedh dha Dhuw aga ri dhis, dre dha loethow; hag i a vreus an bobel gans gwirvreus.

1 Samuel 1:22

Mes nyns eth Hanna yn-bann, rag hi a leveris dh'y gour, ‘Ny wrav vy mos yn-bann erna vo an maw didhenys, hag ena my a'n dre, may hyll ev omdhiskwedhes a-dherag an Arloedh, ha triga ena bys vykken.’

1 Samuel 27:12

Hag Akish a drestyas yn Davydh, ha tybi, ‘Ev re wrug y honan kasadow glan yn mysk y bobel Ysrael; rakhenna ev a vydh ow gwas bys vykken.’

1 Samuel 28:2

Ha Davydh a worthybis dhe Akish, ‘Yn sur, ena ty a woer pandr'a yll dha was y wul.’ Yn-medh Akish dhe Davydh, ‘Pur dha, my a'th wra gwithyas ow fenn bys vykken.’