Eksodus 20:5 - An Bibel Kernewek 20234 (Kernewek Kemmyn)

⁵ Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Eksodus 20:5 Iomraidhean Croise

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

2 Samuel 21:6

bedhes seyth a'y vebyon res dhyn, ha ni a's kreg yn-bann a-rag an Arloedh yn Gibea a Sowl, dewisys an Arloedh.’ Ha'n myghtern a leveris, ‘My a's re dhywgh.’

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 21:29

‘A welsys fatell uvelhas Ahab y honan a-ragov? Drefenn ev dhe uvelhe y honan a-ragov, ny dhrov terroes yn y dhydhyow; mes yn dydhyow y vab my a dhre terroes war y ji.’

2 Myghternedh 17:35

An Arloedh a wrug kevambos gansa ha'ga gorhemmynna, ow leverel, ‘Ny wordhyowgh duwow erell na omblegya dhedha na'ga servya na sakrifia dhedha,

2 Myghternedh 17:41

Ytho an kenedhlow ma a wordhya an Arloedh mes i a besyas gordhya aga imajys gravys; bys y'n jydh hedhyw aga fleghes, ha fleghes aga fleghes a bes gul an pyth a wrug aga thasow.

2 Myghternedh 23:26

Hwath ny dreylyas an Arloedh dhiworth fellder y sorr bras, a dhewis erbynn Yuda, drefenn oll an taklow re wrussa Manasse dhe brovokya y sorr.

2 Myghternedh 5:18

Re affo an Arloedh dha was y'n mater ma: pan dheu ow mester yn chi Rimmon rag gordhya ena, ow poesa war ow bregh, ha my a ombleg yn chi Rimmon – pan omblegyav yn chi Rimmon, re affo an Arloedh dha was y'n mater ma.’

2 Myghternedh 5:27

Rakhenna lovryjyon Naaman a wra glena dhis, ha dhe'th hasenn bys vykken.’ Hag ev eth yn-mes klavorek dhiworth y lok, mar wynn avel an ergh.

2 Kroniklys 25:14

Wosa Amasia dhe dhehweles dhiworth ladhva an Edomysi, ev a dhros duwow mebyon Seir ha'ga drehevel avel y dhuwow y honan ha'ga gordhya, ha leski offrynnow dhedha.

2 Kroniklys 7:19

‘Mes mar treylydh a-denewen ha gasa ow ordenansow ha'm gorhemmynnow re worris a-ragos, ha mones ha servya duwow erell ha'ga gordhya,

Job 21:19

Yn-medhowgh, “Duw a greun kessydhyans anewnder den rag y vebyon”. Nansi, re bo attylys dhodho y honan, ma'n aswonno.

Job 5:4

Yma y vebyon pell dhiworth sawder, skwattys yns y'n yet, ha nyns eus denvyth dh'aga delivra.

Salmow 109:14

Bedhes kovadh kammweyth y dasow a-dherag an Arloedh, ha na vedhes pegh y vamm defendys dhe-ves.

Salmow 78:58

Rag i a'n sorras gans aga thylleryow ughel, hag a wrug dh'y avi sevel der aga imajys gravys.

Salmow 79:8

Na borth kov a gammweythresow agan hendasow; des dha druedh dhyn ni yn skon, rag gyllys pur isel on ni.

Salmow 81:15

An re a gas an Arloedh a omwrussa gostydh dhodho, ha'ga thermyn a via bys vykken.

Eksodus 23:24

Ny omblegydh a-rag aga duwow, na'ga servya, na gul herwydh aga oberow, mes ty a wra aga distrui yn tien ha terri aga feulveyn dhe demmyn.

Eksodus 34:14

rag ny wordhydh ken Duw, rag an Arloedh, neb yw y hanow Avius, yw Duw avius;

Lavarow Koth 8:36

Mes neb a fyll ow havoes a shynd y enev y honan, kemmys a'm kas a gar ankow.’

Ysay 44:15

Ena y teu ha bos keunys rag den. Ev a gemmer rann anedha hag a omdoemm; ev a enow tan hag a beb bara; ynwedh y hwra duw ha'y wordhya, ev a wra imaj gravys hag a goedh dhe'n dor a-ragdho.

Ysay 44:19

Ny breder nagonan yn y golonn, na nyns eus godhvos na konvedhes dhe leverel, ‘Hanter anodho re loskas y'n tan, ynwedh my a bebis bara war y regydh, my a rostyas kig ha dybri. A wrav vy tra gasadow a'y remenant? A wrav vy koedha dhe'n dor a-rag stokk a brenn?’

Yeremia 2:9

Rakhenna hwath my a bled genowgh, yn-medh an ARLOEDH, ha gans fleghes agas fleghes my a bled.

Yeremia 32:18

Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Ezekiel 18:19

Mes hwi a lever, ‘Prag na dheg an mab anewnder an tas?’ Pan wrug an mab an pyth yw lafyl hag ewn, ha re waytyas gul oll ow ordenansow, ev a vew yn surredi.

Ezekiel 18:2

Prag yth esowgh hwi owth usya an henlavar ma a-dro dhe bow Ysrael, ow leverel: ‘An tasow re dhybris grappys trenk, ha dyns an fleghes re dheuth ha bos sogh’?

Ezekiel 20:7

My a leveris dhedha, Tewlewgh dhe-ves, hwi oll, an taklow kasadow usi a-rag agas dewlagas, ha na omdhefolewgh gans idolys Ejyp. My yw an Arloedh agas Duw.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Daniel 1:2

Ha'n Arloedh a worras yn y dhorn Yehoyakim myghtern Yuda, ha re a'n lestri dhiworth chi Duw; hag ev a's kyrghas dhe bow Shinar, dhe ji y dhuw, hag a worras an lestri yn tresorva y dhuw.

Daniel 3:18

Mes hwath mar ny vynn gul yndella, bedhes godhvedhys dhis, A vyghtern, na servyn dha dhuwow, na gul gologhas dhe'n delow owrek a wrussys y dhrehevel.’

Levitikus 20:5

my a vynn settya ow fas erbynn an gour na hag erbynn y deylu, ha'ga threghi dhe-ves dhiworth aga fobel, ev, hag oll an re usi ow mos ganso dhe horya gans Molek.

Levitikus 26:1

Ny wrewgh ragowgh idolys, ha ny dhrehevowgh ragowgh imaj gravys na peulven, na settya men gravys war agas tir dhe omblegya dhodho, rag an Arloedh agas Duw ov vy.

Levitikus 26:29

Ha hwi a dheber kig agas mebyon, ha kig agas myrghes a dhebrowgh.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Niverow 14:18

“An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Niverow 14:33

Ha'gas fleghes a vydh bugeledh y'n gwylvos dew-ugens blydhen, hag a wra godhevel rag agas dislender bys pan wra an diwettha a'gas korfow marow growedha y'n gwylvos.

Niverow 25:11

‘Finehas mab Eleazar, mab Aron an oferyas, re dhastreylyas ow sorr a-dhiworth mebyon Ysrael, rag y vos avius, avel gans ow avi vy, yn aga mysk. Ytho ny dhistruis mebyon Ysrael y'm avi.

Matthew 4:9

ha leverel dhodho, ‘Oll an re ma my a vynn ri dhis mar koedhydh dhe'n dor ha'm gordhya.’

Yowann 15:18

‘Mar kwra an bys agas kasa, hwi a woer ev dhe'm kasa vy kyns es agas kasa hwi.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Yowann 9:2

Ha'y dhyskyblon a wovynnas orto ow leverel, ‘Mester, piw a beghas, an den ma, po y gerens, may feu genys dall?’

Romanyon 1:30

sklandroryon, kasoryon Duw, tus ow tespitya, tus arvedhus, tus valgh, bostoryon, towloryon droktra, diwostydh dhe gerens,

Romanyon 8:7

Yndella an brys a wra fors a'n kig, yw eskarogeth erbynn Duw; nyns yw gostydh dhe lagha Duw, yn hwir ny yll bos yndella,

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.

Dewteronomi 32:41

pan lymmav lughes ow kledha, ha'm leuv a sett dalghenn ynno yn breus, my a dal dial war ow eskerens, hag attyli an re a'm kas.

Dewteronomi 4:24

Rag an Arloedh dha Dhuw yw tan ow tevorya, Duw avius.

Dewteronomi 5:10

mes ow tiskwedhes tregeredh dhe vilyow anedha a'm kar hag a with ow gorhemmynnow.

Dewteronomi 5:9

Na ombleg a-ragdha na'ga servya; rag my an Arloedh dha Dhuw yw Duw avius, ow tri kessydhyans kammweyth an tasow war an fleghes bys y'n tressa ha peswora henedh a'n re a'm kas,

Dewteronomi 6:15

(rag Duw avius yw an Arloedh dha Dhuw yn agas mysk), ma na dhewo sorr an Arloedh dha Dhuw er dha bynn ha'th tistrui a-dhiwar enep an tir.

Dewteronomi 7:10

mes owth attyli dh'aga fas an re usi orth y gasa, dh'aga distrui. Ny dhelat rag neb a wra y gasa; ev a wra y attyli dh'y fas.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

Yoshua 23:7

Na gowethyewgh gans an kenedhlow ma yw gesys yn agas mysk, na elwewgh war henwyn aga duwow, na wrewgh tiow, na wregh aga servya ha na omblegyewgh dhedha,

Yoshua 24:19

Yoshua a leveris dhe'n bobel, ‘Ny yllowgh servya an Arloedh. Duw sans yw ev, Duw a avi yw, ny wra ev gava agas treuspassow na'gas peghosow.

Breusysi 2:19

Mes pan verwis breusyas, i a dreylya war-dhelergh ha bos moy tebel es aga thasow, owth holya duwow erell, orth aga servya ha plegya dhedha. Ny wrussons gasa aga gwriansow na'ga fordhow gorth.