Eksodus 20:24 - An Bibel Kernewek 20234 (Kernewek Kemmyn)

²⁴ Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Eksodus 20:24 Iomraidhean Croise

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

2 Samuel 6:12

Y feu derivys orth Davydh, ‘An Arloedh re vennigas chi Obed-edom ha pup-tra eus dhodho, drefenn argh Duw.’ Ytho Davydh eth ha dri yn-bann argh Duw a-dhiworth chi Obed-edom a-ji dhe sita Davydh gans lowena,

1 Myghternedh 8:29

may fydh igor dha lagasow war-tu ha'n chi ma nos ha dydh.

1 Myghternedh 8:43

ena klew yn nev dha drigva, ha gwra herwydh pup-tra a elow an estren warnas, may hwodhvo oll poblow an bys dha hanow ha perthi own ahanas, par dell wra dha bobel Ysrael, ha may hwodhvons bos gelwys dha hanow war an chi ma re dhrehevis vy.

1 Myghternedh 9:3

An Arloedh a leveris dhodho, ‘My re glewas dha bysadow ha'th pledyans a wrussys a-ragov; my re sakras an chi ma re dhrehevsys, ha gorra ow hanow ena bys vykken; ow lagasow ha'm kolonn a vydh ena bys vykken.

2 Myghternedh 5:17

Ena Naaman a leveris, ‘Mar ny gemmerydh, my a'th pys, bedhes res dhe'th was kemmys dor hag yw begh dew vul, rag ny wra dha was offrynna nevra namoy offrynn leskys na sakrifis dhe dhuwow erell, saw dhe'n Arloedh.

2 Kroniklys 12:13

Myghtern Rehoboam a fastyas y honan yn krev yn Yerusalem hag a besyas avel myghtern. Rehoboam o unn bloedh ha dew-ugens pan dhallathas reynya; ev a reynyas seytek blydhen yn Yerusalem, an sita re dhewissa an Arloedh yn-mes a oll loethow Ysrael rag gorra y hanow ena. Hanow y vamm o Naama an Ammonyades.

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

2 Kroniklys 7:16

Rag my re dhewisas hag a sakras an chi ma, rag may fo ow hanow ena bys vykken; ow dewlagas ha'm kolonn a vydh ena bynitha.

Ezra 6:12

Ha'n Duw neb a wrug dh'y hanow triga ena, re dhomhwello myghtern po pobel pynag a ystynno leuv dhe janjya hemma, po dhe dhistrui an chi ma a Dhuw, usi yn Yerusalem. My Darius re dhellos arghadow; bedhes gwrys gans meur a rach.’

Nehemia 1:9

mes mar tehwelowgh dhymm ha gwitha ow gorhemmynnow ha'ga gul, kyn fens dha dhifresow fesys dhe'n pella rann a'n nev, my a vynn aga huntell alena ha'ga dri bys y'n tyller may tewisis dhe worra ow hanow.”

Salmow 101:2

My a omdheg yn fur yn fordh dhivlam. P'eur fydhydh ow tos dhymm? My a gerdh gans kolonn lan a-berth y'm chi.

Salmow 122:2

Agan treys a sev a-berth y'th porthow, A Yerusalem.

Salmow 128:5

An Arloedh a'th vennik yn-mes a Sion, ha ty a wel sewenyans Yerusalem dres oll dydhyow dha vewnans.

Salmow 134:3

Re'th vennikko an Arloedh dhiworth Sion, neb a wrug nev ha nor.

Salmow 74:7

I re worras tan y'th sentri; bys y'n dor i re dhefolas trigva dha hanow.

Salmow 76:2

Yn Salem yma y skovva, ha'y drigva yn Sion.

Salmow 78:68

Mes ev a dhewisas loeth Yuda, menydh Sion, a gara.

Eksodus 10:25

Mes Moyses a leveris, ‘Res yw dhis gorra yn agan diwleuv sakrifisow hag offrynnow leskys may hyllyn offrynna dhe'n Arloedh agan Duw.

Eksodus 18:12

Ha Yethro, hwegron Moyses, a offrynnas offrynn leskys ha sakrifisow dhe Dhuw, hag Aron a dheuth gans oll an henavogyon a Ysrael dhe dhybri bara gans hwegron Moyses a-rag Duw.

Eksodus 20:25

Ha mar kwredh alter a ven ragov, ny wredh hy drehevel a veyn treghys; rag mar trehevydh dha enn warnedhi ty a'n defol.

Eksodus 24:4

Ha Moyses a skrifas geryow oll a'n Arloedh. Hag ev a sevis myttin a-varr, ha drehevel alter dhe droes an menydh, ha drehevel dewdhek peulven, herwydh dewdhek loeth Ysrael.

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Eksodus 27:1

Ty a wra an alter a brenn shittim, pymp kevelin hy hys ha pymp kevelin hy les; an alter a vydh pedrek, ha'y ughelder a vydh tri hevelin.

Ysay 64:5

Ty a vet ganso ev neb a lowenha ha gul ewnder, neb a berth kov ahanas y'th fordhow. Otta, ty a sorras, ha ni a begha prest; mar siwyn dha fordhow, ni a vydh sawys.

Levitikus 17:9

heb y dhri dhe dharas tylda an kuntelles, dh'y offrynna dhe'n Arloedh, an keth gour na a vydh treghys dhe-ves dhiworth y bobel.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Matthew 18:20

Rag le may ma dew po tri kuntellys war-barth y'm hanow vy, ena yth esov yn aga mysk.’

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 12:21

Mar pydh an tyller a wrug an Arloedh dha Dhuw y dhewis dhe settya y hanow ena re bell dhiworthis, ty a sakrifi bestes a'th chatel hag a'th flokk a ros an Arloedh dhis kepar dell worhemmynnis dhis, ha ty a dheber a-berth y'th yetys war-lergh oll desir dha enev.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 14:23

Ty a dheber a-rag an Arloedh dha Dhuw, y'n tyller a wra y dhewis dhe wul dh'y hanow triga ena, dega dha ys, ha'th win ha'th olew, ha kynsa-genys dha jatel ha'th flokk, rag may tyski dhe berthi own a'n Arloedh dha Dhuw pub dydh oll.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 26:2

ty a gemmer neppyth a'n kynsa a oll frut an tir a dhredh mes a'th tir a wra an Arloedh dha Dhuw y ri dhis ha'y worra yn kanstell, ha mos dhe'n tyller a wra an Arloedh dha Dhuw y dhewis dhe wul dh'y hanow triga ena,

Dewteronomi 7:13

Ev a'th kar ha'th venniga hag ynkressya dha niver. Hag ev a vennik frut dha gorf, ha frut dha dir, dha ys ha'th win ha'th olew, leughi dha jatel, hag eyn dha flokk war an tir a dos dhe'th tasow dhe ri dhis.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.