Eksodus 20:23 - An Bibel Kernewek 20234 (Kernewek Kemmyn)

²³ Ny wrewgh hwi duwow a arghans dhe vos genev; na ny wrewgh dh'agas honan duwow a owr.

Eksodus 20:23 Iomraidhean Croise

2 Myghternedh 17:33

I a berthi own a'n Arloedh ha servya aga duw aga honan, yn gis an kenedhlow re bia degys anedha.

2 Myghternedh 17:41

Ytho an kenedhlow ma a wordhya an Arloedh mes i a besyas gordhya aga imajys gravys; bys y'n jydh hedhyw aga fleghes, ha fleghes aga fleghes a bes gul an pyth a wrug aga thasow.

Eksodus 32:31

Ytho Moyses a dhehwelis dhe'n Arloedh ha leverel, ‘Ogh, an bobel ma re beghas pegh meur; i re wrug dhedha duwow a owr.

Eksodus 34:17

Ny wredh ragos duwow deudh.

Ezekiel 20:39

Ha hwi, chi Ysrael, yndellma y lever an Arloedh Duw: Kewgh, servyowgh agas idolys, hwi oll. A-wosa hwi a woslow dhymm yn sur, ha ny dhisakrowgh ow hanow sans arta gans agas rohow ha gans agas idolys.

Ezekiel 43:8

Pan worrsons aga threudhow ryb ow threudhow vy, ha'ga fostow-daras ryb ow fostow-daras vy, gans travyth marnas paros yntra my hag i, i a dhefolas ow hanow sans gans an taklow kasadow a wrussons; ytho my re's konsumyas y'm sorr.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Daniel 5:4

I a evas gwin, ha gormel an duwow a owr hag arghans, brons, horn, prenn ha men.

Levitikus 19:4

Na dreylyewgh dhe idolys, na gul imajys teudh. An Arloedh agas Duw ov vy.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Dewteronomi 29:17

Hwi a welas aga thaklow kasadow ha'ga idolys, prenn ha men, arghans hag owr, esa gansa.

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.

Breusysi 17:3

Ena ev a dhaskorras an unnek kans bath a arghans dh'y vamm, ha'y vamm a leveris, ‘Sakra a wrav an arghans dhe'n Arloedh a'm leuv a-barth ow mab rag gul imaj gravys hag imaj teudh.’