Eksodus 20:20 - An Bibel Kernewek 20234 (Kernewek Kemmyn)

²⁰ Ha Moyses a leveris dhe'n bobel, ‘Na berthewgh own; rag Duw yw devedhys dh'agas previ, ha may fo an own anodho a-rag agas dewlagas, ha ma na begghowgh.’

Eksodus 20:20 Iomraidhean Croise

Jenesis 20:11

Hag yn-medh Abraham, ‘Rag my a brederis, Yn sur, nyns eus own Duw y'n tyller ma, hag i a'm ladh drefenn ow gwreg.

Jenesis 22:1

Ha wosa an hwarvosow ma Duw a brovas Abraham ha leverel dhodho, ‘Abraham!’ Hag yn-medh ev, ‘Awottavy.’

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Lavarow Koth 1:7

Own an Arloedh yw an dalleth a wodhvos; fellyon a skorn furneth ha dyskans.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 3:7

Na vydh fur y'th tewlagas dha honan; porth own a'n Arloedh, ha treyl dhiworth drog.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:13

Rag my, an Arloedh, yw dha Dhuw a syns dha dhorn dhyghow; neb a lever dhis, ‘Na borth own, my a'th weres.’

Ysay 8:13

Hwi a sansha Arloedh an luyow, ev yw agas euth, hag ev yw neb a'gas ownekha,

Dewteronomi 10:12

Ha lemmyn Ysrael, pandr'a wovynn an Arloedh orthis marnas perthi own a'n Arloedh dha Dhuw, kerdhes yn oll y fordhow, ha'y gara, ha servya an Arloedh dha Dhuw gans oll dha golonn ha gans oll dha enev,

Dewteronomi 13:3

na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 6:2

rag may perthi own a'n Arloedh dha Dhuw, dhe witha oll y ordenansow ha'y worhemmynnow esov ow korhemmynna dhis oll dydhyow dha vewnans, ty, ha'th vab, ha mab dha vab, rag may fo hir dha dhydhyow.

Dewteronomi 6:24

An Arloedh a worhemmynnis dhyn gul oll an ordenansow ma, dhe berthi own a'n Arloedh agan Duw, rag may fo yn ta dhyn pub dydh oll, dh'agan gwitha yn few kepar ha hedhyw.

Dewteronomi 8:16

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

Yoshua 24:14

‘Lemmyn ytho perthewgh own a'n Arloedh, ha'y servya yn lenduri hag yn gwirder, ha treyl dhiworth an duwow a wrug agas tasow aga servya dres an avon hag yn Ejyp; ha servyewgh an Arloedh.

1 Samuel 12:20

Ha Samuel a leveris dhe'n bobel, ‘Na berthewgh own; hwi re wrug oll an drog ma, mes na dreylyewgh a-denewen a-dhiworth holya an Arloedh, mes servyewgh an Arloedh gans oll agas kolonn;