Eksodus 20:16 - An Bibel Kernewek 20234 (Kernewek Kemmyn)

¹⁶ Na wra fals dhustuni erbynn dha gentrevek.

Eksodus 20:16 Iomraidhean Croise

Salmow 15:3

an den nag eus mikenn war y daves, ha na wra drogober dh'y hynsa, ha na wodhev sklander erbynn y gentrevek;

Eksodus 23:1

Ny wredh leverel fals dherivas. Na worr dha leuv gans tebelwas, dhe vos fals dhustunier.

Lavarow Koth 10:18

Neb a gudh kas a'n jeves diwweus a wowegneth, ha neb a lever sklander yw foll.

Lavarow Koth 11:13

Neb a gerdh a-derdro avel hwedhler a dhiskudh kevrinyow, mes neb yw lel yn spyrys a with tra yn kudhys.

Lavarow Koth 19:5

Nyns a fals dhustunier heb kessydhyans, ha ny dhienk gowleveryas.

Lavarow Koth 25:18

Fust, kledha po seth lymm yw neb a dheg fals dhustuni erbynn kentrevek.

Levitikus 19:11

Ny wrewgh hwi ladra na toella na frowsya an eyl y gila.

Levitikus 19:16

Ny wre'ta mos a-dro ow leverel sklander yn mysk dha bobel, na sevel erbynn goes dha gentrevek. An Arloedh ov vy.

Levitikus 19:18

Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Matthew 19:18

Yn-medh ev dhodho, ‘Py re?’ Yesu a leveris ‘Na ladh, Na wra avoutri, Na lader, Na dhog kammdhustuni,

Luk 3:14

Ha soudoryon ynwedh a wovynni orto ow leverel, ‘Ha ni, pandr'a wren ni?’ Hag ev a leveris dhedha, ‘Na ledrewgh dre wodros dhiworth denvyth, ha na guhudhewgh yn fals, ha bedhewgh kontentys gans agas arveth.’

Oberow 6:13

hag i a dhros fals dhustunioryon, neb a leveris, ‘Ny hedh an den ma kewsel geryow erbynn an tyller sans ma ha'n lagha.

Efesianys 4:31

Bedhes pub hwerowder ha sorr ha konnar ha garma serrys ha sklander gorrys mes ahanowgh, gans pub drog.

Dewteronomi 5:20

Na wra fals dhustuni erbynn dha gentrevek.

1 Timothi 1:10

an re a wra fornikasyon gans horys po gwer, an re a lader tus, gowygyon ha gowlioryon, ha pypynag arall yw erbynn dyskas yagh

2 Timothi 3:3

dinatur, avleythys, kammguhudhoryon, direwl, gwyls, ow kasa dader,

Jamys 4:11

Na wrewgh kewsel an eyl erbynn y gila, a vreder. Neb a gews erbynn broder po a vreus y vroder a gews erbynn an lagha hag a vreus an lagha; ha mar preusewgh an lagha, nyns osta gwrier an lagha mes breusydh.