Eksodus 20:15 - An Bibel Kernewek 20234 (Kernewek Kemmyn)

¹⁵ Na wra ladra.

Eksodus 20:15 Iomraidhean Croise

Eksodus 21:16

Piwpynag a lattro gour, kyn y'n gwerth po kyn fydh kevys ganso yn y berghennogeth, a vydh gorrys dhe'n mernans.

Lavarow Koth 11:1

Fals vantol yw tra gasadow dhe'n Arloedh, mes poes ewn yw y dhelit.

Levitikus 19:11

Ny wrewgh hwi ladra na toella na frowsya an eyl y gila.

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Matthew 15:19

Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Matthew 19:18

Yn-medh ev dhodho, ‘Py re?’ Yesu a leveris ‘Na ladh, Na wra avoutri, Na lader, Na dhog kammdhustuni,

Matthew 21:13

hag yn-medh ev dhedha, ‘Skrifys yw, “Ow chi vy a vydh gelwys chi pysadow”, mes hwi a'n gwra fow ladron.’

Yowann 12:6

Ny leveris hemma rag bos dhodho bern a-barth an voghosogyon, mes rag ev dhe vos lader, hag ev a witha an pors, ha ladra an pyth o gorrys ynno.

Romanyon 13:9

An gorhemmynnow, ‘Na wra avoutri, Na wra ladha, Na wra ladra, Na wra hwansa’, ha py gorhemmynn arall pynag a vo, yw synsys y'n lavar, ‘Gwra kara dha gentrevek par dell omgerydh.’

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

Dewteronomi 24:7

Mars eus gour kevys ow tenladra onan a'y vreder, mebyon Ysrael, ha'y dhyghtya avel kethwas ha'y wertha, ena an lader na a verow. Yndella ty a garth an drog a-dhiworthowgh.

Dewteronomi 5:19

Na lader.

1 Thessalonianys 4:6

heb treuspassya na gul kamm dh'y vroder na'y doella y'n dra ma, rag bos an Arloedh dialor yn oll an taklow ma, kepar dell leversyn dhywgh kyns ha desta.