Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.
Ny borthas Yoash an myghtern kov a'n tregeredh diskwedhys dhodho gans Yehoyada y das, mes ev a ladhas y vab. Hag ev yn eneworres, ev a leveris, ‘Re wello an Arloedh ha diella!’
Mes mar peu an ojyon usys dhe gornya kyns, ha'y berghennek re beu gwarnys mes ny'n gwithas a-ji, hag ev a ladh gour po benyn, an ojyon a vydh labydhys, ha'y berghennek ynwedh a vydh gorrys dhe'n mernans.
Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.
Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’
Ha pan welas an deythyogyon an sarf ow kregi a'y leuv, i a leveris an eyl dh'y gila, ‘Yn tevri, an den ma yw moldrer re beu sawys dhiworth an mor, mes ny wrug Ewnder y asa yn few.’
An gorhemmynnow, ‘Na wra avoutri, Na wra ladha, Na wra ladra, Na wra hwansa’, ha py gorhemmynn arall pynag a vo, yw synsys y'n lavar, ‘Gwra kara dha gentrevek par dell omgerydh.’
avi, medhwenep, kevewiow gwyls, ha traow a'n par na. Anedha my a lever dhywgh lemmyn, kepar dell wrugavy leverel kyns, oll an re a wrello taklow a'n par ma ny wrons erita gwlaskor Duw.
ow konvedhes hemma: nyns yw an lagha gwrys rag den gwiryon, mes rag tus dhilagha ha diwostydh, an re yw didhuw ha peghadoryon, ansans hag ongrassyes, an re a ladh tas ha mamm, ha denledhysi,
Rag neb a leveris ‘Na wra avoutri’, a leveris ynwedh, ‘Na wra denladh.’ Mar ny wre'ta avoutri mes denladh a wre'ta, devedhys osta peghador erbynn an lagha.
