Eksodus 20:10 - An Bibel Kernewek 20234 (Kernewek Kemmyn)

¹⁰ mes an seythves dydh yw sabot dhe'n Arloedh dha Dhuw; ynno ny wredh ober vyth, ty, na dha vab, na dha vyrgh, dha was, na dha vaghteth, na dha jatel, na'n alyon usi a-ji dhe'th yetow;

Eksodus 20:10 Iomraidhean Croise

Nehemia 10:31

ha mar trollo boblow an pow gwara po neb greun yn dydh sabot dhe wertha, ny brenyn dhiworta yn dydh sabot po yn dydh sans; ha pub seythves blydhen ny a as an tir anerys, ha ni a dhile oll kendonow.

Eksodus 16:26

Hwegh dydh hwi a'n kuntell; mes y'n seythves dydh, hag yw sabot, ny vydh travyth.’

Eksodus 31:13

Lavar dhe vebyon Ysrael, ‘Hwi a wra gwitha ow sabotys, rag hemm yw tokyn yntra my ha hwi der agas henedhow, may hwodhvowgh my, an Arloedh, dh'agas sanshe.

Eksodus 34:21

Hwegh dydh ty a wra oberi, mes y'n seythves dydh ty a wra powes; yn termyn aras ha trevas ty a wra powes.

Eksodus 35:2

Hwegh dydh y fydh ober gwrys, mes y'n seythves dydh y'gas bydh sabot sans a bowes dhe'n Arloedh; piwpynag a wrello ober vyth ynno a vydh gorrys dhe'n mernans;

Ezekiel 14:7

Rag pubonan a ji Ysrael po alyon a wodrik yn Ysrael, neb a dhiberth a-dhiworthiv, ha drehevel y idolys yn y golonn, ha gorra y anewnder a-ragdho avel ken a drebuchya, hag ena dos dhe'n profoes dhe wovynn orto a-dro dhymm – my an Arloedh a worthyp dhodho ow honan.

Levitikus 23:3

Yma hwegh dydh may fydh ober gwrys, ha'n seythves dydh yw sabot powes, kuntelles sans. Ny wrewgh hwi gul ober vyth. Sabot an Arloedh yw yn oll agas trigvaow.

Luk 23:56

hag i a dhehwelis ha pareusi spisys hag unyentys. Hag i a bowesas y'n sabot herwydh an gorhemmynn.