Eksodus 2:25 - An Bibel Kernewek 20234 (Kernewek Kemmyn)

²⁵ Ha Duw a welas mebyon Ysrael, ha Duw a's aswonnis.

Eksodus 2:25 Iomraidhean Croise

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

Job 33:27

Ev a gan a-rag dus ha leverel, “My re beghas ha kammdreylya an pyth a veu ewn, mes ny dhegemmeris an pyth a dhendilis.

Salmow 1:6

rag an Arloedh a aswonn fordh an re wiryon, mes fordh an debeles a dhe goll.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 31:8

Ny'm gessys vy yn dorn an eskar; ty re worras ow threys yn tyller ledan.

Salmow 55:22

Towl dha vegh war an Arloedh, hag ev a'th sosten; ny as ev nevra an re wiryon dhe drebuchya.

Eksodus 1:8

Hag y sevis war Ejyp myghtern nowydh na aswonnsa Yosep,

Eksodus 18:8

Ena Moyses a leveris dh'y hwegron pup-tra a wrussa an Arloedh dhe Faro ha dhe Ejyp a-barth Ysrael, oll an anken re dhothya warnedha war an hyns ha fatell y's liv'sa an Arloedh.

Eksodus 3:9

Ha lemmyn, otta, kri mebyon Ysrael re dheuth dhymm, ha my re welas an arwask mayth arwask an Ejyptianys warnedha.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Matthew 7:23

Hag ena my a dheklar dhedha, “Bythkweth ny'gas aswonnis; diberthewgh dhiworthiv, hwi dhrogoberoryon!”

Luk 1:25

‘Yndella re'm dyghtyas an Arloedh y'n dydhyow may hwrug vri ahanav, dhe gemmeres dhe-ves ow mewl yn mysk tus.’

Oberow 7:34

My re welas arwask ow fobel yn Ejyp, ha my re's klewas ow kyni, ha my re dheuth yn-nans rag aga sawya; lemmyn, deus, dha dhannvon dhe Ejyp a wrav.”

Dewteronomi 26:7

Ena ni a grias war an Arloedh, Duw agan tasow, ha'n Arloedh a glewas agan lev ha gweles agan galar, ha'gan trobel, ha'gan arwask.

1 Samuel 1:11

Ha hi a ambosas ambos ha leverel, ‘A Arloedh an luyow, mar mirydh dhe wir war alar dha vaghteth, ha perthi kov ahanav, ha ny ankevydh dha vaghteth, mes ri dhe'th vaghteth mab, ena my a'n re dhe'n Arloedh oll dydhyow y vewnans, ha ny wra altenn vyth tochya y benn.’