Eksodus 2:23 - An Bibel Kernewek 20234 (Kernewek Kemmyn)

²³ Ha dell hwarva y'n termyn hir na, myghtern Ejyp a verwis, ha mebyon Ysrael a gynis drefenn an gethneth ha kria, ha'ga kri a yskynnas dhe Dhuw, drefenn aga hethneth;

Eksodus 2:23 Iomraidhean Croise

Jenesis 16:11

Hag el an Arloedh a leveris dhedhi, ‘Awotta, gans flogh osta ha ty a dhineyth mab ha ty a'n henow Yshmael, a-ban glewas an Arloedh dha alar.

Jenesis 4:10

Hag ev a leveris, ‘Pandr'a wruss'ta? Yma lev goes dha vroder ow karma warnav dhiworth an dor.

Nehemia 9:9

‘Ha ty a welas galar agan tasow yn Ejyp ha klewes aga kri ryb an Mor Rudh,

Job 35:9

‘Tus a gri drefenn an lies arwask; i a gri rag gweres drefenn bregh an alloesogyon.

Salmow 102:1

A Arloedh, klew ow fysadow; ha re dheffo ow kri dhiso jy.

Salmow 102:2

Na gudh dha fas ragov yn dydh ow anken. Pleg dha skovarn dhymm; y'n jydh may halwav, fisten dhe worthybi dhymm.

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Eksodus 1:14

ha gul aga bewnans hwerow yn gwasonieth kales, yn pri, hag yn brykkys, hag yn pub eghenn a wonis y'n gwel; oll aga gonis ynno may hwrussons dhedha servya o garow.

Eksodus 4:19

Hag y leveris an Arloedh dhe Moyses yn Midyan, ‘Ke, dehwel dhe Ejyp, rag marow yw oll an dus a hwila dha vewnans.’

Eksodus 6:5

Dhe voy, my re glewas kynvann mebyon Ysrael yw synsys yn kethneth gans an Ejyptianys, ha my re borthas kov a'm kevambos.

Eksodus 6:9

Moyses a gewsis yndellma dhe vebyon Ysrael; mes ny goelsons orth Moyses drefenn galar aga spyrys ha'ga gonis fell.

Eksodus 7:7

Moyses o peswar-ugens bloedh y oes hag Aron tri ha peswar-ugens pan gowssons dhe Faro.

Ysay 19:20

Ev a vydh tokyn ha dustuni dhe Arloedh an luyow yn pow Ejyp. Pan grions dhe'n Arloedh drefenn an arwaskoryon, ev a dhannvon dhedha selwador, hag ev a's menten ha'ga delivra.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Niverow 20:16

Ha pan grisyn war an Arloedh, ev a glewas agan lev, ha dannvon el, ha'gan dri yn-mes a Ejyp; hag ottani yn Kadesh, sita war amal dha diredh.

Oberow 7:30

‘Lemmyn pan o tremenys dew-ugens blydhen, el a omdhiskwedhas dhodho yn gwylvos menydh Sinay yn flamm bos ow tewi.

Dewteronomi 24:15

Ro dhodho y arveth y'n keth jydh ma'n dendilas, kyns es an howl dhe sedhi warnodho, rag boghosek yw, ha'y vewnans a greg warnodho; ken ev a elow war an Arloedh er dha bynn, hag y fydh peghes ynnos.

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.

Breusysi 4:3

Ena mebyon Ysrael a grias dhe'n Arloedh rag gweres; rag ev a'n jevo kans charett a horn, ha re arwasksa mebyon Ysrael yn fell ugens blydhen.

1 Samuel 12:8

Pan veu Yakob devedhys yn Ejyp ha'gas tasow a armas dhe'n Arloedh, ena an Arloedh a dhannvonas Moyses hag Aron, neb a dhros agas tasow yn-mes a Ejyp, ha'ga settya y'n tyller ma.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’