Eksodus 2:11 - An Bibel Kernewek 20234 (Kernewek Kemmyn)

¹¹ Ha dell hwarva, y'n dydhyow na, Moyses o tevys hag yth eth dh'y vreder ha mires war aga beghyow, ha gweles gour ejyptek ow kweskel gour ebrow, onan a'y vreder.

Eksodus 2:11 Iomraidhean Croise

Eksodus 1:11

Ha warnedha i a ordenas mestrysi hwel rag aga arwaska gans beghyow poes, hag i a dhrehevis sitys-gwithva rag Faro, Pithom ha Rameses;

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Eksodus 5:14

Ha gorweloryon mebyon Ysrael, neb a veu gorrys warnedha gans mestrysi kethneth Faro, a veu gweskys hag y feu govynnys orta, ‘Prag na wrussowgh hwi kowlwul agas ewn rann hedhyw, avel kyns?’

Eksodus 5:4

Mes myghtern Ejyp a leveris dhedha, ‘Moyses hag Aron, prag y kemmerowgh an bobel a'ga ober? Kewgh dh'agas beghyow!’

Eksodus 5:5

Ha Faro a leveris, ‘Otta, pobel an tir yw lemmyn niverus, ha hwi a wra dhedha powes a'ga beghyow!’

Eksodus 5:9

Bedhes ober poessa gorrys war an wer may hwonetthens orto ha ma na wrellens vri a eryow gowek.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Matthew 11:28

Dewgh dhymmo vy oll hwi yw skwithys ha beghys poes, ha my a re powes dhywgh.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,