Eksodus 19:9 - An Bibel Kernewek 20234 (Kernewek Kemmyn)

⁹ Ha'n Arloedh a leveris dhe Moyses, ‘Otta, y tov dhis yn kommolenn dew may klewvo an bobel pan gowsav genes ha may kryssons dhis bys vykken.’ Ena Moyses a leveris geryow an bobel dhe'n Arloedh.

Eksodus 19:9 Iomraidhean Croise

1 Myghternedh 8:12

Ena Solomon a leveris, ‘An Arloedh re leveris, ev dhe driga yn tewlder tew.

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

2 Kroniklys 6:1

Ena Solomon a leveris, ‘An Arloedh re leveris ev dhe driga yn tewlder tew.

Salmow 97:2

Yma kommol ha tewlder a-dro dhodho; ewnder ha gwirvreus yw sel y se.

Salmow 99:7

Ev a gewsis orta y'n goloven a gommol; i a synsis y dhustuniow ha'n gorhemmynn a ros dhedha.

Eksodus 14:31

Hag Ysrael a welas an ober meur a wrug an Arloedh erbynn an Ejyptianys, ha'n bobel a borthas own a'n Arloedh; hag i a grysis y'n Arloedh hag yn y was Moyses.

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Eksodus 20:21

Ha'n bobel a sevis a-bell ha Moyses a dheuth nes dhe'n tewlder tew le mayth esa Duw.

Eksodus 34:5

Ha'n Arloedh a dhiyskynnas y'n gommolenn ha sevel ganso ena, ha gelwel y hanow: an Arloedh.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Eksodus 4:5

‘may kryssons an Arloedh Duw aga thasow, Duw Abraham, Duw Ysak, ha Duw Yakob dhe omdhiskwedhes dhis.’

Ysay 19:1

Profoesans a-dro dhe Ejyp. Awotta'n Arloedh ow marghogeth war gommolenn skav hag ow tos bys yn Ejyp; idolys Ejyp a gren a-ragdho, ha kolonn Ejyp a deudh a-bervedh ynno.

Ysay 7:9

Penn Efraym yw Samaria, ha penn Samaria yw mab Remalia. Mar ny gryssowgh ena ny vydhowgh fastys.

Niverow 12:5

Ha'n Arloedh a dhiyskynnas yn koloven kommol, ha sevel orth daras an tylda, ha gelwel Aron ha Miryam; hag i a dheuth yn-rag aga dew.

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Mark 9:7

Hag y teuth kommolenn ha tewlel skeus warnedha; ha lev a dheuth yn-mes a'n gommolenn, ‘Hemm yw ow Mab karadow: klewewgh ev.’

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.