Eksodus 19:5 - An Bibel Kernewek 20234 (Kernewek Kemmyn)

⁵ Lemmyn ytho, mars owgh gostydh dhe'm lev ha gwitha ow hevambos, hwi a vydh ow ferghennogeth arbennik ow honan yn mysk poblow oll; rag oll an nor yw dhymm,

Eksodus 19:5 Iomraidhean Croise

Jenesis 17:9

Hag yn-medh Duw dhe Abraham. ‘Dhe'th parth tejy, ty a with ow hevambos, ty ha'th has war dha lergh yn aga henedhow.

1 Myghternedh 8:53

Rag ty re's diberthys yn-mes a boblow oll an bys, rag bos dha ertach, kepar dell ambossys dre Moyses dha was, pan dhresys agan tasow yn-mes a Ejyp, A Arloedh Duw.’

1 Kroniklys 17:22

Ty a wrug dha bobel Ysrael dha bobel dha honan bys vykken, ha ty, A Arloedh, a dheuth ha bos aga Duw.

Job 41:11

Piw a yll omsettya orthiv ma'th attylliv dhodho? Denvyth yn-dann an nev oll.

Job 41:3

A wra ev lies aspysadow dhis? A gews ev orthis gans geryow medhel?

Salmow 135:4

Rag an Arloedh re dhewisas Yakob dhodho y honan, hag Ysrael avel y berghennogeth arbennik y honan.

Salmow 24:1

Dhe'n Arloedh yma an nor ha myns eus ynno, an norvys, ha'n re usi trigys ynno.

Salmow 25:10

Oll hynsyow an Arloedh yw tregeredh ha gwirder, dhe'n re a with y gevambos ha'y dhustuniow.

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Eksodus 23:22

Mes mar koslowydh yn ta orth y lev ha gul pup-tra a lavarav, ena my a vydh eskar dhe'th eskerens hag erbynner dhe'th erbynnoryon.

Eksodus 24:7

Ena ev a gemmeras lyver an kevambos, ha'y lenna yn dewlagas an bobel; hag i a leveris, ‘Oll re gewsis an Arloedh, ni a'n gwra, ha ni a vydh gostydh.’

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 8:22

Mes y'n jydh na my a wra settya pow Goshen a-denewen, le may ma ow fobel trigys, ma na vo ena hesow kelyon; may hwodhvi my dhe vos an Arloedh yn mysk an nor.

Eksodus 9:29

Moyses a leveris dhodho, ‘Kettell av vy a'n sita, my a wra ystynn ow diwla dhe'n Arloedh; hedhi a wra an taran, ha ny vydh namoy keser, may hwodhvi bos an nor dhe'n Arloedh.

An Gan a Ganow 8:12

Ow gwinlann, ow honan, yw dhymmo vy, ha Solomon, ty a bew an mil, ha gwithysi an frutys a bew dew kans.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 41:8

Mes ty, Ysrael, ow gwas, Yakob, neb re dhewisis, askorr Abraham, ow howeth;

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 56:4

Rag yndellma y lever an Arloedh: Dhe'n spadhesigyon hag a with ow sabotys, ha dewis an pyth yw plegadow dhymm, ha synsi fast ow hevambos,

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 13:11

Rag dell glen an grogys orth diwglun gour, yndella my re wrug oll chi Ysrael hag oll chi Yuda glena dhymm, yn-medh an Arloedh, may fons dhymm pobel, ha hanow, ha gormel, ha glori: mes ny glewsons.

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Levitikus 20:24

Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Amos 3:2

Hwi unnsel a aswonnis vy yn-mes a oll teyluyow an nor; rakhenna my a wra agas kessydhya rag agas drogoberow oll.

Amos 6:1

Go-i an re usi attes yn Sion, ha'n re a omsyns saw war venydh Samaria, yw henwys kynsa an gwlasow, ha dhedha y teu chi Ysrael!

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

1 Korinthianys 10:26

rag ‘dhe'n Arloedh yw an nor, ha pup-tra eus ynno.’

1 Korinthianys 10:28

Mes mar lever nebonan dhywgh, ‘Hemma re beu offrynnys yn sakrifis’, na'n dybrewgh, ow kul vri orth neb a leveris dhywgh hag drefenn kowses,

Dewteronomi 10:14

Otta, an nev ha nev an nevow yw dhe'n Arloedh dha Dhuw, an norvys ha pup-tra eus ynno.

Dewteronomi 11:27

an vennath mar koslewowgh gorhemmynnow an Arloedh agas Duw esov orth aga gorhemmynna dhywgh hedhyw,

Dewteronomi 14:2

Rag pobel sans os dhe'n Arloedh dha Dhuw, ha'n Arloedh re'th tewisas dhe vos dhodho pobel arbennik dhodho y honan yn-mes a'n poblow oll usi war enep an norvys.

Dewteronomi 14:21

Ny dhebrowgh karyn vytholl. Ty a yll y ri dhe'n alyon usi a-ji dhe'n yetys hag ev a'n deber; po ty a yll y wertha dhe estren, rag ty dhe vos pobel sans dhe'n Arloedh dha Dhuw. Ny wre'ta bryjyon mynn yn leth y vamm.

Dewteronomi 26:18

Ha'n Arloedh re dhiskleryas hedhyw ty dhe vos dhodho pobel arbennik dhodho y honan kepar dell gewsis dhis, ha ty dhe witha oll y worhemmynnow;

Dewteronomi 26:19

ytho ev a'th sett ughel a-ugh oll an kenedhlow a wrug, rag gormel, rag hanow, rag enor, rag may fi pobel sans dhe'n Arloedh dha Dhuw kepar dell gewsis.

Dewteronomi 28:1

Mar koslewydh devri lev an Arloedh dha Dhuw ha gwaytyas gul oll y worhemmynnow esov orth aga worhemmynna dhis hedhyw, ena an Arloedh dha Dhuw a'th sett ughel a-ugh oll kenedhlow an norvys.

Dewteronomi 28:9

An Arloedh a wra dha fastya dhe vos pobel sans dhodho y honan kepar dell dos dhis, mar kwithydh gorhemmynnow an Arloedh dha Dhuw ha kerdhes yn y fordhow.

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 5:2

An Arloedh agan Duw a wrug genen kevambos orth Horeb.

Dewteronomi 7:6

Rag ty yw pobel sans dhe'n Arloedh dha Dhuw. An Arloedh dha Dhuw re'th tewisas dhe vos dhodho pobel arbennik dhodho y honan, yn-mes a oll an poblow war enep an norvys.

Dewteronomi 9:29

Mes i yw dha bobel ha'th eretons a dhresys yn-mes gans dha nerth bras ha'th vregh ystynnys.’

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 11:8

Dre fydh Abraham o gostydh pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos.

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.

Yoshua 24:24

Yn-medh an bobel dhe Yoshua, ‘An Arloedh agan Duw a servyn, ha ni a woslow orth y lev.’

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.