Eksodus 19:19 - An Bibel Kernewek 20234 (Kernewek Kemmyn)

¹⁹ Ha dell besya son an hirgorn ughella hag ughella, Moyses a gewsis, ha Duw a worthybis dhodho yn lev.

Eksodus 19:19 Iomraidhean Croise

Nehemia 9:13

Ty a dheuth yn-nans war venydh Sinay ha kewsel gansa dhiworth nev ha ri dhedha rewlys ewn ha gwir laghys, ordenansow ha gorhemmynnow da,

Salmow 81:7

Ty a elwis yn anken ha my a'th telivras; my a worthybis dhis yn keladow an daran; my a'th provas orth dowrow Meriba. Sela.

Eksodus 19:13

ny wra dorn vyth y dochya, mes y fydh labydhys po tennys gans sethow; best po den kyn fo, ny wra bewa.” Pan sen an hirgorn hwyth hir, i a wra dos bys y'n menydh.’

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Ebrowyon 12:19

ha son an hirgorn, ha lev geryow a wra dhe'n gleworyon pysi na vo kewsys dhedha pella geryow.

Ebrowyon 12:21

Yn hwir, mar euthyk o an wolok may leveris Moyses, ‘Krena a wrav der own.’