Eksodus 19:18 - An Bibel Kernewek 20234 (Kernewek Kemmyn)

¹⁸ Ha menydh Sinay a veu maylys yn mog, drefenn an Arloedh dhe dhiyskynna warnodho yn tan; ha'n mog anodho a yskynnas avel mog an fornes, ha'n menydh oll a grenas yn feur.

Eksodus 19:18 Iomraidhean Croise

Jenesis 11:5

Ha'n Arloedh a dhiyskynnas dhe weles an sita ha'n tour esa mebyon den orth aga drehevel.

Jenesis 15:17

Hag y hwarva, pan sedhis an howl hag yth o tewl, awotta, forn ow megi ha faglenn ow leski a dremenas ynter an rannow na.

Jenesis 19:28

Hag ev a viras war-woeles troha Sodom ha Gomorra ha trohag oll an plen a-dro, ha gweles, hag otta, yth esa mog an pow ow mos yn-bann kepar ha mog fornes.

Nehemia 9:13

Ty a dheuth yn-nans war venydh Sinay ha kewsel gansa dhiworth nev ha ri dhedha rewlys ewn ha gwir laghys, ordenansow ha gorhemmynnow da,

Salmow 104:32

Ev a vir orth an nor ha'n nor a gren, ev a doch an menydhyow hag i a veg.

Salmow 114:4

An menydhyow a derlemmis kepar ha hordhes, ha'n brennow kepar ha deves yowynk.

Salmow 114:7

Kren, A dhor, a-dherag an Arloedh, a-dherag Duw Yakob,

Salmow 144:5

Gwra dhe'th nevow plegya dhe'n dor, A Arloedh, ha diyskynn; toch an menydhyow, ha megi a wrons.

Salmow 18:9

Hag ev a blegyas an nevow, hag a dheuth yn-nans; hag yth esa tewolgow yn-dann y dreys.

Salmow 68:9

Ty, A Dhuw, a wrug glaw hel dhe goedha; ty a gennerthas dha ertach pan o skwith.

Salmow 77:18

Lev dha daran esa y'n korwyns; an lughes a wolowis an norvys; an nor a dhegrenas ha krysya.

Salmow 77:19

Yma dha fordh y'n mor, ha'th hynsyow y'n dowrow meur; ha nyns yw olow dha dreys aswonnys.

Eksodus 19:13

ny wra dorn vyth y dochya, mes y fydh labydhys po tennys gans sethow; best po den kyn fo, ny wra bewa.” Pan sen an hirgorn hwyth hir, i a wra dos bys y'n menydh.’

Eksodus 19:17

Ena Moyses a dhros an bobel yn-mes a'n kamp dhe dhyerbynna Duw; hag i a sevis orth troes an menydh.

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Eksodus 24:17

Ytho omdhiskwedhyans splannder Duw o avel tan ow tewi war benn an menydh a-wel mebyon Ysrael.

Eksodus 3:2

Hag el an Arloedh a omdhiskwedhas dhodho yn flamm a dan yn-mes a gres an bos; hag ev a viras, hag otta, yth esa an bos gans tan, mes ny veu konsumys.

Eksodus 34:2

Bydh parys myttinweyth hag yskynn y'n myttin dhe venydh Sinay, ha sav ragov ena war benn an menydh.

Ysay 6:4

Ha peulyow an treudhow a grenas orth lev neb a elwi, ha'n chi a veu lenwys a vog.

Ysay 64:1

Unnweyth a kwrelles skwardya an nevow ha dos yn-nans, ha'n menydhyow ow krysya a-ragos!

Yeremia 4:24

My a viras war an menydhyow, hag, otta yth esens ow krena, hag yth esa an breow oll kryghyllys.

Habakkuk 3:6

Ev re sevis ha musura an norvys, ev re welas an kenedhlow, ha gul dhedha lemmel; brewys veu an menydhyow heb diwedh, omblegya a wrug an breow a bes vynitha: dhodho yw an fordhow a bes vynitha.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Matthew 24:7

Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Dewteronomi 4:36

Yn-mes a nev ev a wrug dhis glewes y lev rag dha dhyski; ha war an norvys ev a dhiskwedhas y dan bras, ha ty a glewas y eryow yn-mes a gres an tan.

Dewteronomi 5:22

An Arloedh a gewsis an geryow ma dhe oll agas kuntellyans war an menydh yn-mes a gres an tan, an kommol ha'n tewolgow, dre lev ughel, ha ny geworras dhedha. Ena ev a's skrifas war dhiw leghenn a ven, ha'ga ri dhymm.

Dewteronomi 5:4

Fas orth fas, an Arloedh a gewsis genowgh war an menydh yn-mes a gres an tan.

2 Thessalonianys 1:7

ha ri powes genen ni dhywgh hwi yw duwenhes, orth diskwedhyans an Arloedh Yesu dhiworth nev gans y eledh nerthek,

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Ebrowyon 12:18

Rag ny nessowgh dhe neppyth a yll bos tochys, tan ow tewi, ha tewlder, ha tewlwolow, ha korwyns,

Ebrowyon 12:26

Ena y lev a wrug dhe'n dor krena; mes lemmyn ev re ambosas, ow leverel, ‘Unnweyth moy ny wrav unnsel an nor dhe dhegrena mes an nev ynwedh.’

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

Diskwedhyans 15:8

Ha'n tempel a veu lenwys a vog a'n golewder a Dhuw ha'y alloes, ha denvyth ny ylli mos a-bervedh y'n tempel bys pan veu kowlwrys seyth pla an seyth el.

Diskwedhyans 9:2

Hag ev a igoras shafta an pytt diwoeles ha mog a yskynnas yn-mes a'n shafta kepar ha mog fornes vras ha'n howl ha'n ayr a veu tewlhes dre vog an shafta.

Breusysi 5:5

An menydhyow a grysyas a-rag an Arloedh, an Sinay ma, a-rag an Arloedh, Duw Ysrael.