Eksodus 19:16 - An Bibel Kernewek 20234 (Kernewek Kemmyn)

¹⁶ Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Eksodus 19:16 Iomraidhean Croise

2 Samuel 22:10

Ev a blegyas an nevow, hag a dheuth yn-nans; yth esa tewolgow yn-dann y dreys.

2 Kroniklys 5:14

ha ny allas an oferysi sevel dhe venystra drefenn an gommolenn; rag glori an Arloedh a lenwis chi Duw.

Job 38:25

‘Piw re droghas kanel rag livow an glaw, ha hyns rag an taran ha'n lughes,

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Salmow 77:18

Lev dha daran esa y'n korwyns; an lughes a wolowis an norvys; an nor a dhegrenas ha krysya.

Salmow 81:8

Klew, ow fobel, ha my a dheg dustuni dhis; A Ysrael, unnweyth a koslewes orthiv!

Salmow 97:4

Y lughes a wolowis an norvys; an nor a'n gwelas, ha krena.

Eksodus 19:11

ha bydh parys erbynn an tressa dydh; rag y'n tressa dydh an Arloedh a wra diyskynna war venydh Sinay a-wel an bobel oll.

Eksodus 19:15

Hag ev a leveris dhe'n bobel, ‘Bedhewgh parys erbynn an tressa dydh; na dewgh nes dhe venyn.’

Eksodus 19:17

Ena Moyses a dhros an bobel yn-mes a'n kamp dhe dhyerbynna Duw; hag i a sevis orth troes an menydh.

Eksodus 19:9

Ha'n Arloedh a leveris dhe Moyses, ‘Otta, y tov dhis yn kommolenn dew may klewvo an bobel pan gowsav genes ha may kryssons dhis bys vykken.’ Ena Moyses a leveris geryow an bobel dhe'n Arloedh.

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Eksodus 20:21

Ha'n bobel a sevis a-bell ha Moyses a dheuth nes dhe'n tewlder tew le mayth esa Duw.

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Eksodus 9:23

Ena Moyses a ystynnas y welenn war-tu ha nev; ha'n Arloedh a dhannvonas taran ha keser, ha tan a resas dhe'n nor. Ha'n Arloedh a lesas keser war bow Ejyp;

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Matthew 24:31

hag ev a dhannvon y eledh gans son bras a hirgorn, hag i a guntell war-barth y bobel dhewisys, yn-mes a'n peswar gwyns dhiworth a'n eyl penn a'n nevow dh'y gila.

Dewteronomi 5:5

Yth esen vy ow sevel ynter an Arloedh ha hwi y'n tor' na dhe dherivas dhywgh ger an Arloedh; rag hwi a gemmeras own a'n tan, ha ny yskynnsowgh dhe'n menydh. Ev a leveris,

Ebrowyon 12:21

Yn hwir, mar euthyk o an wolok may leveris Moyses, ‘Krena a wrav der own.’

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’

Diskwedhyans 4:5

Hag yn-mes a'n tron y teuth lughesennow ha sonyow ha taranow yn-rag, hag yth esa seyth faglenn tan, yw seyth Spyrys Duw, ow leski a-dherag an tron;

Diskwedhyans 8:5

Ha'n el a gemmeras an ynkyslester, ha'y lenwel a dan an alter ha'y dewlel dhe'n dor, hag y feu taranow ha sonyow ha lughes ha dorgrys.