Eksodus 19:11 - An Bibel Kernewek 20234 (Kernewek Kemmyn)

¹¹ ha bydh parys erbynn an tressa dydh; rag y'n tressa dydh an Arloedh a wra diyskynna war venydh Sinay a-wel an bobel oll.

Eksodus 19:11 Iomraidhean Croise

Jenesis 11:5

Ha'n Arloedh a dhiyskynnas dhe weles an sita ha'n tour esa mebyon den orth aga drehevel.

Nehemia 9:13

Ty a dheuth yn-nans war venydh Sinay ha kewsel gansa dhiworth nev ha ri dhedha rewlys ewn ha gwir laghys, ordenansow ha gorhemmynnow da,

Salmow 144:5

Gwra dhe'th nevow plegya dhe'n dor, A Arloedh, ha diyskynn; toch an menydhyow, ha megi a wrons.

Salmow 18:9

Hag ev a blegyas an nevow, hag a dheuth yn-nans; hag yth esa tewolgow yn-dann y dreys.

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Eksodus 19:18

Ha menydh Sinay a veu maylys yn mog, drefenn an Arloedh dhe dhiyskynna warnodho yn tan; ha'n mog anodho a yskynnas avel mog an fornes, ha'n menydh oll a grenas yn feur.

Eksodus 19:20

Ha'n Arloedh a dhiyskynnas war venydh Sinay, dhe benn an menydh; ha'n Arloedh a elwis Moyses dhe benn an menydh ha Moyses a yskynnas.

Eksodus 24:16

Splannder Duw a goedhas war venydh Sinay, ha'n kommol a'n kudhas hwegh dydh; hag y'n seythves dydh ev a elwis Moyses yn-mes a gres an kommol.

Eksodus 24:17

Ytho omdhiskwedhyans splannder Duw o avel tan ow tewi war benn an menydh a-wel mebyon Ysrael.

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 34:2

Bydh parys myttinweyth hag yskynn y'n myttin dhe venydh Sinay, ha sav ragov ena war benn an menydh.

Eksodus 34:5

Ha'n Arloedh a dhiyskynnas y'n gommolenn ha sevel ganso ena, ha gelwel y hanow: an Arloedh.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Dewteronomi 4:10

an jydh may sevsys a-rag an Arloedh dha Dhuw orth Horeb, pan leveris dhymm an Arloedh, ‘Kuntell an bobel dhymm, may hwrylliv dhedha klewes ow geryow ha may tyskons perthi own ahanav oll an dydhyow esons ow pewa war an tir, ha'ga dyski dh'aga mebyon.’

Yoshua 3:5

Yoshua a leveris dhe'n bobel, ‘Omsakrewgh; rag a-vorow an Arloedh a wra marthusyon yn agas mysk.’