Eksodus 19:10 - An Bibel Kernewek 20234 (Kernewek Kemmyn)

¹⁰ Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Eksodus 19:10 Iomraidhean Croise

Jenesis 35:2

Ena Yakob a leveris dh'y vayni ha dhe oll an re esa ganso. ‘Kemmerewgh dhe-ves an duwow estren usi yn agas mysk; omlanhewgh, ha chanjyewgh agas dillas;

2 Samuel 19:24

Mefibosheth mab-wynn Sowl a dheuth yn-nans dhe vetya an myghtern. Ny wrussa kemmeres gwith a'y dreys, na treghi y varv, na golghi y dhillas, a-dhia'n jydh may tibarthas an myghtern bys y'n jydh may teuth arta yn kres.

2 Kroniklys 29:34

Mes tanow o niver an oferysi ha ny yllons kroghena oll an offrynnow leskys; ytho aga breder an Levysi a's gweresas bys pan o an ober gorfennys ha bys pan o oll an oferysi erell sakrys, rag an Levysi o moy diwysyk ages an oferysi owth omsakra aga honan.

2 Kroniklys 29:5

Ev a leveris dhedha, ‘Goslowewgh orthiv Levysi! Omsakrewgh hwi, ha sakrewgh chi an Arloedh, Duw agas tasow, ha degewgh yn-mes an avlander dhiworth an tyller sans.

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Levitikus 11:25

Ha nebonan a dhokko korf onan anedha a wra golghi y dhillas ha bos avlan bys y'n gorthugher.

Levitikus 15:5

Ha piwpynag a docchyo y weli a wolgh y dhillas hag omvadhya yn dowr ha pesya avlan bys y'n gorthugher.

Niverow 11:18

Ha lavar dhe'n bobel, Omsakrewgh erbynn a-vorow, ha hwi a dheber kig; rag hwi re oelas yn klewans an Arloedh, ow leverel, “Piw a re dhyn kig dhe dhybri? Rag yth o da genen yn Ejyp.” Rakhenna an Arloedh a vynn ri dhywgh kig, ha hwi a wra dybri.

Niverow 19:19

ha'n den glan a wra skoellya war an den avlan y'n tressa dydh hag y'n seythves dydh; yndellma y'n seythves dydh ev a'n glanha, hag ev a wra golghi y dhillas hag omvadhya yn dowr, ha dhe'n gorthugher ev a vydh glan.

Niverow 31:23

pup-tra a yll sevel erbynn an tan, hwi a wra passya der an tan, hag y fydh glan. Byttegyns y fydh purhes ynwedh gans an dowr a lanheans; ha pyth pynag na yll sevel erbynn an tan, hwi a wra passya dre dhowr.

Niverow 31:24

Res yw dhywgh golghi agas dillas y'n seythves dydh, ha hwi a vydh glan; hag a-wosa hwi a wra dos a-ji dhe'n kamp.’

Niverow 8:21

Ha'n Levysi a omlanhas a begh, ha golghi aga dillas; hag Aron a's offrynnas avel offrynn gwevys a-rag an Arloedh, hag Aron a wrug prenedh ragdha dh'aga glanhe.

Niverow 8:7

Hag yndellma ty a wra dhedha, dh'aga glanhe: gwra skoellya dowr an glanheans warnedha, ha gas i dhe vos gans altenn war oll aga horf, ha golghi aga dillas hag omlanhe.

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Yoshua 3:5

Yoshua a leveris dhe'n bobel, ‘Omsakrewgh; rag a-vorow an Arloedh a wra marthusyon yn agas mysk.’

Yoshua 7:13

Yn-sol, sansha an bobel, ha lavar, “Omsanshewgh rag a-vorow; rag yndellma y lever an Arloedh, Duw Ysrael, ‘Yma taklow sakrys y'n kres ahanas, A Ysrael; ny yllydh sevel a-dherag dha eskerens bys may kemmerowgh dhe-ves an taklow sakrys a'gas mysk.’

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.

1 Samuel 16:5

Hag yn-medh ev, ‘Yn kres; my re dheuth dhe sakrifia dhe'n Arloedh; omsakrewgh ha dewgh genev dhe'n sakrifis.’ Hag ev a sakras Yesse ha'y vebyon ha'ga gelwel dhe'n sakrifis.