Eksodus 18:23 - An Bibel Kernewek 20234 (Kernewek Kemmyn)

²³ Mar kwredh hemma, ha Duw mara'th ergh yndellma, ena ty a yll durya, hag oll an bobel ma ynwedh a yll mos dh'aga le yn kres.’

Eksodus 18:23 Iomraidhean Croise

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

Jenesis 30:25

Pan dhineythis Raghel Yosep, yn-medh Yakob dhe Laban, ‘Gas vy dhe vos yn-kerdh, may hallav mos dhe'm tyller vy ha dhe'm pow vy.

2 Samuel 18:3

Mes an bobel a worthybis, ‘Ny wre'ta mones yn-rag. Rag mar fien ni, ny vynnsens settya aga holonn dhyn. Mar marwa hanter ahanan, ny vynnsens settya aga holonn dhyn; mes dha dalvosogeth yw avel deg mil ahanan; rakhenna y fydh gwell ty dh'agan skoedhya yn-mes a'n sita.’

2 Samuel 19:39

Ytho oll an bobel a dreusis dres an Yordan, ha'n myghtern a dreusis; an myghtern a ammas dhe Barzillay ha'y venniga, hag ev a dhehwelis dh'y ji.

2 Samuel 21:17

Mes Abishay mab Seruya a'n gweresas ha gweskel an Filistyas ha'y ladha. Ena gwer Davydh a dos dhodho ha leverel, ‘Ny wre'ta mos yn-mes yn batel genen arta, ma na vydh lugarn Ysrael difeudhys.’

Eksodus 16:29

Mirewgh, an Arloedh re ros dhywgh sabot, ytho y'n hweghves dydh ev a re dhywgh bara rag dew dhydh; gortes pubonan ahanowgh yn y le, na as denvyth dhe vones yn-mes a'n tyller y'n seythves dydh.’

Eksodus 18:18

Ty ha'n bobel genes a wra omskwitha, rag an dra yw re boes ragos, ha ny yllydh y wul dha honan.

Eksodus 18:22

Ha breusens an bobel pup-prys; pub negys bras i a wra dri dhis, mes negys byghan pynag i a wra breusi aga honan; may fydh esya ragos, hag i a wra doen an begh genes.

Eksodus 18:24

Ytho Moyses a goelas orth lev y hwegron ha gul pup-tra re lavarsa.

Oberow 15:2

Ha pan esa dhe Powl ha Barnabas meur a gedrynn ha dadhel gansa, i a dhewisas Powl ha Barnabas ha re erell anedha dhe dhos yn-bann dhe'n abesteli ha'n henavogyon yn Yerusalem a-dro dhe'n govynn ma.

Galatianys 2:2

my a yskynnas dre dhiskwedhyans ha gorra a-dheragdha an aweyl a bregowthav yn mysk an Jentilys, yn priva dhe dus a vri, ma na vien ow poenya po na wrussen poenya war neb kor yn euver.

1 Samuel 8:22

Ha'n Arloedh a leveris dhe Samuel, ‘Goslow orth aga lev ha gwra myghtern dhe reynya warnedha.’ Ha Samuel a leveris dhe wer Ysrael, ‘Kewgh pub gour dh'y sita.’