Eksodus 18:21 - An Bibel Kernewek 20234 (Kernewek Kemmyn)

²¹ Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 18:21 Iomraidhean Croise

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

Jenesis 47:6

Yma pow Ejyp a-dheragos. Gas dha das ha'th vreder dhe driga yn gwella rann an pow; gas i dhe driga yn pow Goshen. Ha mar kodhes bos yn aga mysk gwer abel, gorr i dhe vos gwithysi war ow chatel vy.’

2 Samuel 18:1

Ena Davydh a niveras an bobel esa ganso, ha settya warnedha kaptenyon a vilyow, ha kaptenyon a gansow.

2 Samuel 23:3

Duw Ysrael a gewsis, Karrek Ysrael a leveris dhymm: Ev neb a rewl tus yn ewnder, hag a rewl yn own Duw,

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

1 Myghternedh 18:3

Ahab a elwis Obadia, governour y ji. Yth esa Obadia owt perthi own a'n Arloedh yn feur;

Ezra 7:25

Ha ty, Ezra, herwydh furneth dha Dhuw, usi yn dha leuv, orden justisyow ha breusysi, a yll breusi oll an dus usi y'n rannvro Dres-an-Avon, oll an re a aswonn laghys dha Dhuw; ha dyskewgh neb na's aswonn.

Nehemia 5:9

Ytho my a leveris, ‘Nyns yw da an pyth esowgh orth y wul. A ny dalvia dhywgh kerdhes yn own agan Duw rag goheles keredh an kenedhlow, agan eskerens?

Nehemia 7:2

My a ros charj war Yerusalem dhe'm broder Hanani, ha dhe Hanania rewler an palys, rag ev o gour lel hag ev a berthi own a Dhuw moy es dell wra lies arall.

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 29:16

Tas rag an voghosogyon en, ha my a skoedhya ken an den na aswonnyn.

Job 31:13

‘Mar skonnyen gwirvreus dhe'm gwas ha'm maghteth, pan esa gansa grevons er ow fynn,

Salmow 15:1

Arloedh, piw a yll godriga y'th tylda? Piw a yll triga y'th venydh sans?

Salmow 15:5

neb na ros y arghans yn oker, ha na gemmeras falswober erbynn an den gwiryon. Neb a wra an taklow ma ny vydh ow trebuchya bynitha.

Eksodus 17:9

Ha Moyses a leveris dhe Yoshua, ‘Dewis gwer ragon ha mos yn-mes, omladh erbynn Amalek; a-vorow my a wra sevel war benn an vre gans gwelenn Duw y'm dorn.’

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Lavarow Koth 28:2

Pan wra gwlaskor rebellya yma dhedhi lies rewler; mes gans rewler poellek, adhyskys, faster an wlaskor a bes.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ysay 16:5

Ena tron a vydh fastys yn tregeredh, ha warnedhi yth esedh yn gwirder yn tylda Davydh, nebonan a vreus hag a hwila gwirvreus, hag a fisten dhe wul ewnder.

Ysay 33:15

An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Ezekiel 18:8

mar ny wra presta rag oker, na kemmeres goroker, mar ny dreyl y leuv dhiworth kammhynseth, mes ev a wra gwirvreus yntra gour ha gour,

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Zekaria 8:16

Hwi a wra an taklow ma: kewsewgh an gwir an eyl orth y gila; rewgh breus a wirder ha kres yn agas porthow;

Niverow 1:16

An re ma o an re apoyntys yn-mes a'n kuntelles, hembrenkysi loethow aga thasow, pennow kordhow Ysrael.

Niverow 1:4

Hag y fydh genowgh gour a bub loeth, pubonan ow pos penn y deylu.

Niverow 10:4

Mes mar hwythons marnas onan, ena an hembrenkysi, pennow kordhow Ysrael, a wra omguntell dhis.

Luk 18:2

ow leverel, ‘Yth esa justis yn unn sita neb na'n jeva naneyl own a Dhuw, na revrons orth denvyth.

Luk 18:4

Ev a skonyas pol'ta, mes wortiwedh yn-medh ev ynno y honan, “Hwath kyn na'm beus own a Dhuw na revrons orth denvyth,

Oberow 20:33

Ny hwensis vy arghans nag owr na dillas denvyth;

Oberow 6:3

Rakhenna, breder, hwilewgh yn agas mysk seyth gour gerys-da, leun a'n Spyrys hag a furneth, neb a wren ni apoyntya dhe'n charj ma;

Dewteronomi 22:18

ha henavogyon an dre na a gemmer an gour ha'y gessydhya.

1 Timothi 3:3

heb eva re nag omdhal, mes klor, ha digavyllek, heb kara mona;

Yoshua 22:14

ha ganso deg penntern, unn penntern a bub loeth a Ysrael, ha pubonan penn chi aga thasow yn mysk kordhow Ysrael.

1 Samuel 8:12

hag ev a apoynt ragdho y honan kaslewydhyon a vilyow ha kaslewydhyon a hanter-kansow, hag erell dhe aras y dhor ha mysi y drevas, ha dhe wul y arvow a vresel ha daffar y jarettow.

1 Samuel 8:3

Mes ny gerdhi y vebyon yn y fordhow, mes i a dreylya a-denewen rag gwayn disonest, ha kemmeres falswobrow ha kamma gwirvreus.