Eksodus 18:20 - An Bibel Kernewek 20234 (Kernewek Kemmyn)

²⁰ ha ty a wra dyski dhedha an ordenansow ha'n laghys, ha gul dhedha aswonn an fordh a dal dhedha kerdhes ynni, ha'n pyth a goedh dhedha y wul.

Eksodus 18:20 Iomraidhean Croise

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Salmow 32:8

My a'th kevarwoedh, ha dyski dhis an fordh mayth yw res dhis mos; ha gans ow lagas warnas my a'th kusul.

Eksodus 18:16

pan vydh kedrynn dhedha, y tons dhymm ha my a vreus yntra den ha'y gentrevek, ha my a wra dhedha aswonn ordenansow Duw ha'y laghys.’

Ysay 30:21

Dha dhiwskovarn a glew ger a-dryv dhis, ow leverel, ‘Hemm yw an fordh, kerdhewgh ynni’, pan dreylyowgh dhe'n dyghow, po pan dreylyowgh dhe'n kledh.

Yeremia 42:3

may hwrello an Arloedh dha Dhuw diskwedhes dhyn an fordh may kerdhyn ynni ha'n pyth a wren.’

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Ezekiel 3:17

Mab den, my re'th wrug goelyador rag chi Ysrael; peskweyth may klewydh ger dhiworth ow ganow, ty a re dhedha gwarnyans dhiworthiv.

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Mark 13:34

Yth yw kepar ha den ow mos yn hyns, neb a asas y ji, hag a ros awtorita dh'y gethwesyon, dhe bubonan y hwel, hag a erghis dhe'n porther a woelyas.

Dewteronomi 1:18

My a worhemmynnis dhywgh y'n tor' na oll an taklow a goedh dhywgh aga gul.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:5

Mir, my re dhyskas dhywgh ordenansow ha breusow kepar dell worhemmynnis dhymm an Arloedh ow Duw, rag may hwryllowgh yndella.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 5:27

Ty ke nes, ha klew oll a lever an Arloedh agan Duw, ha ty a lever dhyn pup-tra a gews an Arloedh agan Duw dhis, ha ni a'n klew ha'y wul.’

Dewteronomi 7:11

Rakhenna gwith an gorhemmynn ha'n ordenansow ha'n breusow esov ow korhemmynna dhis hedhyw dh'aga gul.

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.