Eksodus 18:12 - An Bibel Kernewek 20234 (Kernewek Kemmyn)

¹² Ha Yethro, hwegron Moyses, a offrynnas offrynn leskys ha sakrifisow dhe Dhuw, hag Aron a dheuth gans oll an henavogyon a Ysrael dhe dhybri bara gans hwegron Moyses a-rag Duw.

Eksodus 18:12 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 26:25

Ytho ev a dhrehevis alter ena ha gelwel war hanow an Arloedh; hag ena ev a settyas y dylda, hag ena gwesyon Ysak a gleudhyas puth.

Jenesis 26:30

Hag ev a wrug kevewi ragdha, hag i a dhybris hag eva.

Jenesis 31:54

Ena Yakob a wrug sakrifis war an menydh ha gelwel y vreder dhe dhybri bara, hag i a dhybris bara ha gortos dres nos war an menydh.

Jenesis 4:4

Hag Abel ynwedh a dros rann a'n re gynsa-genys a'y flokk, hag a'ga blonek. Ha'n Arloedh a viras orth Abel ha'y offrynn.

Jenesis 43:25

Hag i a bareusis an ro rag devedhyans Yosep dhe hanter-dydh, rag i re wrussa klewes i dhe dhybri ena.

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

2 Samuel 9:7

Davydh a leveris dhodho, ‘Na borth own, rag my a dhiskwa tregeredh dhis rag Yonathan dha das; ha my a dhaskorr dhis oll tir a Sowl dha das, ha ty a dheber boes orth ow moes pup-prys.’

2 Kroniklys 30:22

Hezekia a gewsis ow kennertha an Levysi a dhiskwedhas konvedhes da yn servis an Arloedh. Seyth dydh i a dhybris aga rann apoyntys, ow sakrifia offrynnow kres, hag owth aswonn grasow dhe'n Arloedh, Duw aga thasow.

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Job 42:11

Oll y vreder hag oll y hwerydh a dheuth dhodho ha pubonan re'n aswonnsa kyns ha dybri ganso yn y ji. I a'n konfortyas ha keskodhevel ganso a-dro dhe oll an trobel re dhrosa an Arloedh dhodho, ha pubonan a ros dhodho bath a vona ha bysow a owr.

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Eksodus 18:13

An vorow Moyses a esedhas dhe vreusi an bobel, ha'n bobel a sevi a-dro dhe Moyses a'n myttin dhe'n gorthugher.

Eksodus 2:16

Lemmyn oferyas Midyan a'n jevo seyth myrgh a dheuth ha tenna, ha lenwel an newyow, dhe dhowrhe flokk aga thas.

Eksodus 2:20

Yn-medh ev dh'y vyrghes, ‘Ha ple'ma ev? Prag y hessowgh an gour? Gwrewgh y elwel may teppro bara.’

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Eksodus 24:11

Ha ny worras y dhorn war vryntinyon mebyon Ysrael; i a viras war Dhuw, ha dybri hag eva.

Eksodus 24:5

Hag ev a dhannvonas gwer yowynk a vebyon Ysrael, neb a offrynnas offrynnow leskys ha sakrifia offrynnow kres a lodhnow dhe'n Arloedh.

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Eksodus 33:7

Ha Moyses a gemmeri an tylda ha'y settya a-ves a'n kamp, pell a-ves a'n kamp; hag ev a'n henwi tylda an kuntelles. Ha pub huni a hwila an Arloedh a wre mones dhe dylda an kuntelles, esa a-ves a'n kamp.

Daniel 10:3

Boes sawrys ny dhybryn, ny entra y'm ganow na kig na gwin, ha ny wren vy omuntya gans oyl, bys diwedh an teyr seythun.

Niverow 10:29

Ha Moyses a leveris dhe Hobab mab Reuel an Midyanyas, hwegron Moyses, ‘Yth eson ni ow mos yn-kerdh dhe dyller may leveris an Arloedh anodho, “My a wra y ri dhis”; deus genen, ha ni a wra dader dhis; rag an Arloedh re ambosas dader dhe Ysrael.’

Luk 14:1

Ena ev eth yn chi onan a'n benn-fariseow y'n sabot rag dybri bara, hag yth esons orth y aspia gluw.

Luk 14:15

Onan a'n dus esedhys ganso, pan glewas henna, a leveris dhodho, ‘Gwynnvys neb a dheppro bara yn gwlaskor Duw.’

1 Korinthianys 10:18

Mirewgh orth usadow Ysrael: a nyns yw an re a dheber an sakrifisow kevrennoryon a'n alter?

1 Korinthianys 10:21

Ny yllowgh hwi eva hanaf an Arloedh ha hanaf dywolow; ny yllowgh hwi kevrenna a voes an Arloedh hag a voes dywolow.

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 27:7

Ha ty a sakrifi offrynnow kres ha'ga dybri ena ha lowenhe a-rag an Arloedh dha Dhuw.