Eksodus 18:1 - An Bibel Kernewek 20234 (Kernewek Kemmyn)

¹ Yethro, oferyas Midyan, hwegron Moyses, a glewas a bup-tra re wrussa Duw rag Moyses ha rag Ysrael y bobel, fatell dhrossa an Arloedh Ysrael yn-mes a Ejyp.

Eksodus 18:1 Iomraidhean Croise

Salmow 105:43

Hag ev a dhros y bobel yn-mes gans lowena, an re dhewisys gans garmow a lowender.

Salmow 105:5

Perthewgh kov a'y varthusyon re wrug, y anethow, ha breusow y anow,

Salmow 106:2

Piw a yll kewsel a wriansow nerthek an Arloedh po diskwedhes oll y wormola?

Salmow 34:2

Ow enev a wra y vost y'n Arloedh; an re hwar a glew anodho, ha lowenhe.

Salmow 44:1

A Dhuw, ni re glewas gans agan diwskovarn, agan tasow re venegas dhyn ni, an gweythres a wrussys yn aga dydhyow i, y'n termyn koth.

Salmow 78:4

Ny's kelyn rag aga fleghes, ow terivas dhe'n henedh a dheu gormola an Arloedh, y nerth ha'y varthusyon a wrug ev.

Eksodus 2:16

Lemmyn oferyas Midyan a'n jevo seyth myrgh a dheuth ha tenna, ha lenwel an newyow, dhe dhowrhe flokk aga thas.

Eksodus 2:18

Hag y teuthons dhe Reuel aga thas, hag yn-medh ev, ‘Prag y fistensowgh dehweles hedhyw?’

Eksodus 2:21

Ha Moyses a assentyas triga gans an gour, neb a ros Sippora y vyrgh dhe Moyses,

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Eksodus 4:18

Ha Moyses a dhehwelis dhe Yethro y hwegron, ha leverel dhodho, ‘Gas vy dhe vones, my a'th pys, dhe'm breder yn Ejyp rag gweles mars yns hwath yn few.’ Ha Yethro a leveris dhe Moyses, ‘Ke yn kres.’

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Niverow 10:29

Ha Moyses a leveris dhe Hobab mab Reuel an Midyanyas, hwegron Moyses, ‘Yth eson ni ow mos yn-kerdh dhe dyller may leveris an Arloedh anodho, “My a wra y ri dhis”; deus genen, ha ni a wra dader dhis; rag an Arloedh re ambosas dader dhe Ysrael.’

Oberow 14:27

Ha pan ens i devedhys i a guntellas war-barth an eglos ha derivas an taklow re wrussa Duw dredha, ha fatell igorsa daras a fydh dhe'n Jentilys.

Oberow 15:12

Oll an routh a dewis, ha klewes Barnabas ha Powl ow terivas pana doknys ha marthusyon a wrug Duw yn mysk an Jentilys dredha.

Romanyon 15:18

Rag ny vynnav bedha kewsel a-dro dhe dravyth a-der an pyth a wrug Krist ynnov dhe wul an kenedhlow gostydh, dre er ha der ober,

Yoshua 2:10

Ni re glewas fatell dhesyghas an Arloedh dowrow an Mor Rudh a-ragowgh pan ethewgh yn-mes a Ejyp, ha'n pyth a wrussowgh dhe dhew vyghtern an Amorysi esa dres an Yordan, dhe Sihon ha dhe Og, a sakersys dhe dhistruyans.

Yoshua 9:9

I a leveris dhodho, ‘Dha wesyon re dheuth dhiworth pow pur bell, drefenn hanow an Arloedh dha Dhuw; rag ni re glewas ger-da yn y gever, ha pup-tra a wrug yn Ejyp,

Breusysi 1:16

Mebyon an Kenyas, hwegron Moyses, eth yn-bann a sita an palmwydh gans mebyon Yuda dhe wylvos Yuda usi y'n Negeb ryb Arad; hag i eth ha triga yn mysk pobel an vro.

Breusysi 4:11

Lemmyn Heber an Kenyas re dhibarthsa dhiworth an Kenysi erell, mebyon Hobab hwegron Moyses, hag ev re gampyas mar bell avel an dherwenn yn Saanannim ogas dhe Kedesh.