Eksodus 17:6 - An Bibel Kernewek 20234 (Kernewek Kemmyn)

⁶ Otta, my a sev a-ragos ena war an garrek yn Horeb, ha ty a wra gweskel an garrek, ha dowr a wra dos anedhi mayth effo an bobel.’ Ha Moyses a wrug yndella a-wel henavogyon Ysrael.

Eksodus 17:6 Iomraidhean Croise

Nehemia 9:15

Ty a ros dhedha bara dhiworth nev rag aga nown, ha dri dowr ragdha yn-mes a'n garrek rag aga syghes, ha ty a leveris dhedha mayth ellens a-ji dhe erita an pow re doses gans leuv drehevys y ri dhedha.

Salmow 105:41

Ev a igoras an garrek, ha'n dowrow a dhewragas; avonyow a resas y'n syghtiryow.

Salmow 114:8

neb a dreylyas an garrek dhe boll a dhowr, an men flynt dhe fenten dowr.

Salmow 46:4

Yma avon, ha'y goverow a lowenha sita Duw, an tyller sans, trigva an Ughella.

Salmow 74:15

Ty a folsas an fenten ha'n fros; ty a dhesyghas avonyow prest ow resek.

Salmow 78:18

I a brovas Duw yn aga holonn, ow kovynn boes rag aga ewl.

Salmow 78:20

Otta, ev a weskis an garrek may tewragas an dowrow, ha'n frosow a fennas. Mes a yll ev ri bara ynwedh, po darbari kig dh'y bobel?’

Salmow 81:7

Ty a elwis yn anken ha my a'th telivras; my a worthybis dhis yn keladow an daran; my a'th provas orth dowrow Meriba. Sela.

Eksodus 14:16

Drehav dha welenn, hag ystynn dha dhorn dres an mor ha'y ranna, may hallo mebyon Ysrael mos war dhor sygh yn mysk an mor.

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

Ysay 48:21

Ny's tevo syghes pan y's hembronkas der an difeythyow, ev a wrug may resekka an dowr ragdha a'n garrek, ev a folsas an garrek, ha'n dowr a frosas yn-mes.

Niverow 20:8

Kemmer an welenn, ha dri an kuntelles war-barth, ty hag Aron dha vroder, ha kewsewgh orth an garrek a-rag aga lagasow ha hi a re hy dowr; yndellma ty a dhre dowr yn-mes a'n garrek ragdha; yndellma ty a re diwes dhe'n kuntelles ha'ga chatel.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

1 Korinthianys 10:4

hag oll a evas an keth diwes spyrysel; rag i a evas a'n garrek spyrysel a'ga siwyas, ha'n garrek o Krist.

Dewteronomi 1:2

Yma kerdh a unnek dydh dhiworth Horeb dre fordh menydh Seir bys yn Kadesh-barnea.

Dewteronomi 8:15

neb a wrug dhis kerdhes y'n gwylvos bras hag euthyk, le mayth esa a'n sarf danek ha'n skorpyon, ha syghtir le ma nag eus dowr; neb a dhros dowr yn-mes dhis dhiworth karrek an kellester;

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.