Eksodus 16:8 - An Bibel Kernewek 20234 (Kernewek Kemmyn)

⁸ Ha Moyses a leveris, ‘Pan re an Arloedh dhywgh gorthugherweyth kig dhe dhybri ha myttinweyth bara dhe walgh, rag an Arloedh dhe glewes an krodhvolyow a grodhvolowgh warnodho – pyth on ni? Nyns yw agas krodhvolyow warnan ni mes war an Arloedh.’

Eksodus 16:8 Iomraidhean Croise

Eksodus 16:12

‘My re glewas krodhvolyow mebyon Ysrael; lavar dhedha, “Dhe dewlwolow hwi a wra dybri kig, hag y'n myttin hwi a vydh lenwys gans bara; ena hwi a wodhvydh my dhe vos an Arloedh agas Duw.” ’

Eksodus 16:9

Ha Moyses a leveris dhe Aron, ‘Lavar dhe'n kuntelles oll a vebyon Ysrael, “Dewgh nes a-rag an Arloedh, rag ev re glewas agas krodhvolyow.” ’

Eksodus 17:2

Ytho an bobel a gablas Moyses, ha leverel, ‘Ro dhyn ni dowr dh'y eva!’ Ha Moyses a leveris dhedha, ‘Prag y hwrewgh strivya genev? Prag y hwrewgh previ an Arloedh?’

Ysay 32:6

Rag an foll a gews follneth, ha' y golonn a wra droktra: ev a wra taklow didhuw, ow kewsel falsuri a-dro dhe'n Arloedh, ow kul gwag enev an den nownek hag ow skonya ri dowr dhe'n den mayth eus syghes dhodho.

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Niverow 11:18

Ha lavar dhe'n bobel, Omsakrewgh erbynn a-vorow, ha hwi a dheber kig; rag hwi re oelas yn klewans an Arloedh, ow leverel, “Piw a re dhyn kig dhe dhybri? Rag yth o da genen yn Ejyp.” Rakhenna an Arloedh a vynn ri dhywgh kig, ha hwi a wra dybri.

Niverow 14:27

Pes termyn y hwra an tebel guntelles ma krodhvolas warnav? My re glewas krodhvolyow mebyon Ysrael, hag a grodhvolsons warnav.

Niverow 21:7

Ha'n bobel a dheuth dhe Moyses, ha leverel, ‘Ni re beghas, rag ni a gewsis erbynn an Arloedh hag er dha bynn; gwra pysi dhe'n Arloedh, may kemmerro an serf dhe-ves ahanan.’ Ytho Moyses a bysis rag an bobel.

Matthew 10:40

‘Neb a'gas degemmer hwi, a'm degemmer vy, ha piwpynag a'm degemmerro vy a dhegemmer neb a'm dannvonas.

Matthew 9:4

Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Yowann 13:20

Yn hwir, yn hwir y lavarav dhywgh, neb a dhegemmer piwpynag a dhannvenniv a wra ow degemmeres vy, ha neb a'm degemmer vy a dhegemmer neb a'm dannvonas.’

Romanyon 13:2

Ytho neb a sev erbynn an galloes re sevis erbynn an pyth a ordenas Duw, ha'n re re sevis a's tevydh breus.

1 Korinthianys 10:10

ha na grodhvolewgh par dell wrug rann anedha, hag y fons ledhys gans an distruer.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Samuel 8:7

ha'n Arloedh a leveris dhe Samuel, ‘Goslow orth lev an bobel yn pup-tra a leverons dhis; rag ny'th skonsons jy, mes i re'm skonyas vy a vones myghtern warnedha.