Eksodus 16:7 - An Bibel Kernewek 20234 (Kernewek Kemmyn)

⁷ hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

Eksodus 16:7 Iomraidhean Croise

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

Eksodus 16:12

‘My re glewas krodhvolyow mebyon Ysrael; lavar dhedha, “Dhe dewlwolow hwi a wra dybri kig, hag y'n myttin hwi a vydh lenwys gans bara; ena hwi a wodhvydh my dhe vos an Arloedh agas Duw.” ’

Eksodus 16:8

Ha Moyses a leveris, ‘Pan re an Arloedh dhywgh gorthugherweyth kig dhe dhybri ha myttinweyth bara dhe walgh, rag an Arloedh dhe glewes an krodhvolyow a grodhvolowgh warnodho – pyth on ni? Nyns yw agas krodhvolyow warnan ni mes war an Arloedh.’

Eksodus 24:10

ha gweles Duw Ysrael, hag yth esa yn-dann y dreys kepar ha leur a saffir avel nev y honan yn klerder.

Eksodus 24:16

Splannder Duw a goedhas war venydh Sinay, ha'n kommol a'n kudhas hwegh dydh; hag y'n seythves dydh ev a elwis Moyses yn-mes a gres an kommol.

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Ysay 35:2

ev a vleujyow, ha lowenha gans heudh ha kana. Glori Lebanon a vydh res dhodho, splannder Karmel ha Sharon; i a wel glori an Arloedh, splannder agan Duw.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Levitikus 9:6

Hag yn-medh Moyses, ‘Hemm yw an pyth a erghis an Arloedh may hwrellewgh, ha glori an Arloedh a vydh owth omdhiskwedhes dhywgh.’

Niverow 14:10

Mes oll an kuntelles a vynnas aga labydha gans meyn. Ena golewder an Arloedh a omdhiskwedhas yn tylda an kuntelles a-rag mebyon Ysrael oll.

Niverow 14:27

Pes termyn y hwra an tebel guntelles ma krodhvolas warnav? My re glewas krodhvolyow mebyon Ysrael, hag a grodhvolsons warnav.

Niverow 16:11

Ytho yth yw erbynn an Arloedh ty ha'th kowetha oll dhe omguntell war-barth; pyth yw Aron may krodhvolydh warnodho?’

Niverow 16:42

Ha pan veu kuntellys an kuntelles erbynn Moyses hag erbynn Aron, i a dreylyas war-tu ha tylda an kuntelles; hag otta, an gommolenn a'n kudhas, ha golewder an Arloedh a omdhiskwedhas.

Niverow 17:5

Ha gwelenn an gour a dhewisav a wra egina; yndellma my a wra dhe hedhi a-dhiwarnav krodhvolyow mebyon Ysrael may krodhvolons warnas.

Yowann 11:4

Pan glewas Yesu henna, yn-medh ev, ‘Nyns yw an kleves ma bys yn mernans, mes rag gordhyans Duw, may fo Mab Duw glorifiys dredho.’

Yowann 11:40

Yn-medh Yesu dhedhi, ‘A ny leveris dhis, mar krysses, ty a welsa golewder Duw?’