Eksodus 16:21 - An Bibel Kernewek 20234 (Kernewek Kemmyn)

²¹ Pub myttin i a'n kuntella, kemmys hag a ylli dybri; mes pan dho an howl ha bos toemm, y teudhi.

Eksodus 16:21 Iomraidhean Croise

Eksodus 16:20

Mes ny goelsons orth Moyses; re a asas rann anodho bys y'n myttin hag y fagas kontron, ha flerya; ha Moyses o serrys orta.

Eksodus 16:22

Y'n hweghves dydh i a guntellas diwweyth myns an bara, dew omer pub huni; ha pan dheuth hembrenkysi oll an kuntelles ha leverel dhe Moyses,

Ekklesiastes 12:1

Porth kov a'th Kreador yn dydhyow dha yowynkneth, kyns dos an drog dhydhyow, ha'n blydhynyow may leverydh, ‘Ny'm beus plesour ynna’;

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Yowann 12:35

Ena Yesu a leveris dhedha, ‘Hwath pols byghan yma an golow genowgh. Kerdhewgh hedre vo genowgh an golow, ma na wrello tewlder agas dalghenna. Neb a gerdh y'n tewlder ny woer ple'th a.

2 Korinthianys 6:2

rag ev a lever, ‘Yn termyn plegadow my a'th klewas hag yn dydh a selwyans my a'th weresas.’ Otta, lemmyn yth yw termyn fest plegadow, otta, lemmyn yth yw dydh a selwyans;