Eksodus 16:15 - An Bibel Kernewek 20234 (Kernewek Kemmyn)

¹⁵ Pan y'n gwelas mebyon Ysrael, i a leveris an eyl dh'y gila, ‘Pyth yw?’ rag ny wodhyens an pyth o. Ha Moyses a leveris dhedha, ‘Yth yw an bara re ros an Arloedh dhywgh dh'y dhybri.

Eksodus 16:15 Iomraidhean Croise

Nehemia 9:15

Ty a ros dhedha bara dhiworth nev rag aga nown, ha dri dowr ragdha yn-mes a'n garrek rag aga syghes, ha ty a leveris dhedha mayth ellens a-ji dhe erita an pow re doses gans leuv drehevys y ri dhedha.

Nehemia 9:20

Ty a ros dha spyrys da dh'aga dhyski ha ny skonsys dha vanna a'ga ganow hag a ros dhedha dowr rag aga syghes.

Salmow 105:40

I a wovynnas, hag ev a dhros rynki, hag a's lenwis a vara nev.

Salmow 78:24

hag ev a asas manna dhe goedha warnedha avel glaw, ma'n depprens, hag a ros dhedha ys an nevow.

Eksodus 16:31

Ha chi Ysrael a elwis hanow an dra ma manna; haval o dhe has koriander, gwynn, ha'n sawer anodho avel tesennow gwrys gans mel.

Eksodus 16:33

Ha Moyses a leveris dhe Aron, ‘Kemmer seth ha gorra unn omer a'n manna ynno ha'y settya a-rag an Arloedh, dhe vos gwithys der agas henedhow.’

Eksodus 16:4

Ena an Arloedh a leveris dhe Moyses, ‘Otta, my a wra dhe vara koedha a nev ragowgh avel glaw; ha'n bobel a wra mos yn-mes ha kuntell pub dydh an rann rag unn jydh, ma's preffiv mar kerdhons yn ow lagha po na.

Lavarow Koth 9:5

‘Dewgh, dybrewgh a'm bara hag evewgh a'n gwin re vyskis.

Niverow 21:5

Ha'n bobel a gewsis erbynn Duw hag erbynn Moyses, ‘Prag y'gan dresys yn-mes a Ejyp dhe verwel y'n gwylvos? Rag nyns eus boes na dowr, ha kas yw genen an boes diles ma.’

Luk 12:30

Rag oll kenedhlow an bys a hwila an taklow ma, ha'gas Tas a woer bos edhomm dhywgh anedha.

Yowann 6:49

Agan tasow a dhybri manna y'n gwylvos, hag i a verwis.

Yowann 6:58

Hemm yw an bara a dheuth yn-nans dhiworth nev. Nyns yw kepar ha pan dhybri an tasow, hag i a verwis; neb a dheber an bara ma a vew bynitha.’

1 Korinthianys 10:3

hag oll a dhybris an keth boes spyrysel,

Dewteronomi 8:16

neb a ros dhis manna dhe dhybri y'n gwylvos na aswonnis dha dasow, rag dha uvelhe, ha rag ma'th proffa, dhe wruthyl dader dhis wortiwedh.

Dewteronomi 8:3

Ev a'th uvelhas, ha'th wul dhe vos nownek, ha'th voesa gans manna na aswonnsys ha ny'n aswonnsons dha dasow; rag ma'th wrella dhe aswonn nag yw dre vara unnsel y few den, mes ev a vew dre bup-tra oll a dheu yn-mes a anow an Arloedh.

Ebrowyon 9:4

a'n jevo ynno an alter owrek a ynkys hag argh an kevambos kudhys pub tenewen gans owr, hag ynni seth owrek a synsi an manna, ha gwelenn Aron hag a eginas, ha leghennow an kevambos;

Yoshua 5:12

An manna a sessyas y'n jydh may tyb'sons askorr an tir, ha nyns esa dhe'n Ysraelysi manna namoy; i a dhybris askorr pow Kanan an vlydhen na.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.