Eksodus 16:12 - An Bibel Kernewek 20234 (Kernewek Kemmyn)

¹² ‘My re glewas krodhvolyow mebyon Ysrael; lavar dhedha, “Dhe dewlwolow hwi a wra dybri kig, hag y'n myttin hwi a vydh lenwys gans bara; ena hwi a wodhvydh my dhe vos an Arloedh agas Duw.” ’

Eksodus 16:12 Iomraidhean Croise

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

Salmow 105:40

I a wovynnas, hag ev a dhros rynki, hag a's lenwis a vara nev.

Eksodus 12:6

ha hwi a'n gwith bys yn peswardhegves dydh an mis ma, pan wra kemmynieth kuntelles Ysrael oll y ladha gorthugherweyth.

Eksodus 16:11

Ha'n Arloedh a leveris dhe Moyses,

Eksodus 4:5

‘may kryssons an Arloedh Duw aga thasow, Duw Abraham, Duw Ysak, ha Duw Yakob dhe omdhiskwedhes dhis.’

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 7:17

Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Yeremia 31:24

Hag y fydh trigys yn Yuda y honan hag oll y sitys, gonedhogyon ha'n re a wander gans flokkys.

Ezekiel 34:30

Ena i a woer my, an Arloedh aga Duw, dhe vos gansa, hag i, chi Ysrael, dhe vos ow fobel, yn-medh an Arloedh Duw.

Ezekiel 35:13

Hwi a vostyas er ow fynn gans agas ganow, ha kressya agas geryow er ow fynn; my a'n glewas.

Ezekiel 39:22

Ha chi Ysrael a woer, my dhe vos an Arloedh aga Duw, a'n jydh na hag yn-rag.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Levitikus 11:44

Rag my yw an Arloedh agas Duw. Ytho omsanshewgh, ha bedhewgh sans, rag sans ov vy. Ny wrewgh hwi omdhefola gans kreatur vytholl a hes, ow kreupya war an dor.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Niverow 11:4

Lemmyn an routh esa yn aga mysk a'n jevo ewl krev; ha mebyon Ysrael ynwedh a oelas arta, ow leverel, ‘Piw a re dhyn kig dhe dhybri?

Niverow 14:27

Pes termyn y hwra an tebel guntelles ma krodhvolas warnav? My re glewas krodhvolyow mebyon Ysrael, hag a grodhvolsons warnav.